ବଲାଙ୍ଗିର, (ଦେବାଶିଷ ମିଶ୍ର) : ସବୁ ବର୍ଷ ଭଳି ଏ ବର୍ଷ ମଧ୍ୟ ଯାଦବ ଭବନରେ ଯାଦବ ସମାଜ ପକ୍ଷରୁ ବୃକ୍ଷରୋପଣ କାର୍ଯ୍ୟକ୍ରମ ଉଦ୍ଘାଟିତ ହୋଇଯାଇଛି । ପୌରାଂଚଳ ସଭାପତି ପଙ୍କଜ ସେଲମାଙ୍କ ନେତୃତ୍ୱରେ ଏକ ସଚେତନତା ବାର୍ତ୍ତା ଓ ସଭା ଆୟୋଜନ କରି ବୃକ୍ଷରୋପଣ କାର୍ଯ୍ୟକ୍ରମ କରାଯାଇଥିଲା । ଆଗାମୀ ଦିନରେ ବିଭିନ୍ନ କାର୍ଯ୍ୟକ୍ରମରେ ଉପହାର ବାବଦରେ ବୃକ୍ଷ ପ୍ରଦାନ କରାଯିବ ବୋଲି ନିଷ୍ପତ୍ତି ଗ୍ରହଣ କରାଯାଇଥିଲା । ବୃକ୍ଷରୋପଣ କରି ବୃକ୍ଷ ହିଁ ଜୀବନ ବର୍ତ୍ତା ପ୍ରଦାନ କରି ଚଳିତ ବର୍ଷରେ ଅଧିକ ସଂଖ୍ୟାରେ ବୃକ୍ଷ ରୋପଣ କରିବାକୁ ଜନସାଧାରଣଙ୍କୁ ଆହ୍ୱାନ କରାଯାଇଥିଲା । ଜୁଲାଇ ମାସ ପ୍ରଥମ ସପ୍ତାହରେ ଜିଲ୍ଲା ବ୍ୟାପୀ ଯାଦବ ସମାଜ ଆନୁକୂଲ୍ୟରେ ବୃକ୍ଷ ରୋପଣ ଅନୁଷ୍ଠିତ ହେବ ବୋଲି ଏହି କାର୍ଯ୍ୟକ୍ରମରେ ମତ ପ୍ରକାଶ ପାଇଥିଲା । ଆଜି ଏହି କାର୍ଯ୍ୟକ୍ରମରେ ମୁଖ୍ୟ ଉପଦେଷ୍ଟା ବୁଢା ଡଙ୍ଗର କଲେଜର ଅଧ୍ୟକ୍ଷ ଛବିଳ ବଗର୍ତ୍ତି, ମେଣ୍ଢା କଲେଜର ପ୍ରଧ୍ୟାପକ ଦିବାକର ପୋଡ, କାଉନସିଲର ହରିଶଙ୍କର ଛତ୍ରିଆ, ପୌରାଞ୍ଚଳର ସହସଂପାଦକ ଅଷ୍ଟମୀ ବଗର୍ତ୍ତି, ପୌରାଞ୍ଚଳ ମୁଖ୍ୟ ଉପଦେଷ୍ଟା ଦୁତିବାହନ ଚନ୍ଦନ ଓ ଘାସିରାମ ଦିପ, ଆକୁଳ ବଗର୍ତ୍ତି ପ୍ରଶାନ୍ତ ମହାକୁର ପ୍ରମୁଖ ଉପସ୍ଥିତ ଥିଲେ । ସହଯୋଗ କରିଥିଲେ ଜଙ୍ଗଲ ବିଭାଗର ଅର୍ଜୁନ ସାହୁ, ଧନ୍ୟବାଦ ଅର୍ପଣ କରିଥିଲେ ଜୟଦେବ ଜାଲ ।