ବ୍ରହ୍ମାକୁମାରୀ ସଂସ୍ଥାନ ପକ୍ଷରୁ ଜଗଦମ୍ବା ସରସ୍ୱତୀଙ୍କ ୫୭ ତମ ସ୍ମୃତିଚାରଣ ଦିବସ

ଛତ୍ରପୁର, (କେ.ସତ୍ୟନାରାୟଣ ରେଡ୍ଡୀ) : ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଛତ୍ରପୁର ଶାଖା ଆନୁକୂଲ୍ୟରେ ଜଗଦମ୍ଵା ସରସ୍ୱତୀଙ୍କ ୫୭ ତମ ସ୍ମୃତିଚାରଣ ଦିବସ ପାଳିତ ହୋଇଯାଇଛି । ଏଠାରେ ସ୍ମରଣଯୋଗ୍ୟ ଯେ,୧୯୩୭ ମସିହାରେ ରାଜସ୍ଥାନର ମାଉଣ୍ଟଆବୁ ମୁଖ୍ୟ କାର୍ଯ୍ୟାଳୟରେ ପ୍ରଜାପିତା ବ୍ରହ୍ମା ବାବାଙ୍କ ତତ୍ତ୍ୱାବଧାନରେ ମଧୁବନରେ ସଙ୍ଗଠିତ ବିଶାଳ ଗୀତାଜ୍ଞାନ ଯଜ୍ଞ ଅନୁଷ୍ଠିତ ହୋଇଥାଏ । ଯାହାକି, ରାଜସ୍ୱ ଅଶ୍ୱମେଧ, ଅବିନାଶୀ, ରୁଦ୍ର, ଗୀତାଜ୍ଞାନ ଯଜ୍ଞ ବ୍ରହ୍ମାକୁମାରୀ ସଂସ୍ଥାନ ପକ୍ଷରୁ ବିଶ୍ୱର ଶାନ୍ତି ବିଧାନ ନିମନ୍ତେ ଆୟୋଜିତ ହୋଇଥିଲା । ସେହି ଗୀତାଜ୍ଞାନ ଯଜ୍ଞର ମୁଖ୍ୟ ସଞ୍ଚାଳିକା ତଥା ନେତ୍ତୃତ୍ୱ ନେଇଥିଲେ ଯୋଗ ଜନ୍ମା ଜଗଦମ୍ବା ସରସ୍ୱତୀ ସେତେବେଳେ ତାହାଙ୍କର ବୟସ ମାତ୍ର ୧୬ ବର୍ଷ ହୋଇଥିଲା । ୧୯୩୭ ମସିହାରେ ପ୍ରଥମେ ପ୍ରଚଳିତ ଗୀତାଜ୍ଞାନ ଯଜ୍ଞ ଏବଂ ସେହି ଯଜ୍ଞର ପରିଚାଳନା କରିଆସୁଥିବା ଜଗଦମ୍ବା ମାମା ୧୯୬୫ ମସିହା ଜାନୁଆରୀ ୨୪ ତାରିଖରେ ମାତ୍ର ୪୫ବର୍ଷ ବୟସରେ ମାମା ସ୍ଵର୍ଗାରୋହଣ କରିଥିଲେ । ବିଶ୍ୱଶାନ୍ତି ଓ ସଦ୍ଭାବନା ଚିନ୍ତନ ପ୍ରେମୀ ମାତା ଜଗଦମ୍ବାଙ୍କ ସ୍ମୃତିଚାରଣ ସାମାରୋହରେ ଭକ୍ତିମୟ ପରିବେଶ ସୃଷ୍ଟି ହୋଇ ଜ୍ଞାନଯୋଗ ମାହାତ୍ମ୍ୟ ଉପରେ ଅଵଲୋକନ କରାଯାଇଥିଲା । ଏହି କାର୍ଯ୍ୟାକ୍ରମରେ ମଧୁବନରୁ ଆସିଥିବା ସନ୍ଥ ବିନୋଦ ଭାଇଙ୍କୁ ରାଜକୀୟ ସମ୍ମାନ ଓ ଉତ୍ତରୀୟରେ ସମ୍ବର୍ଦ୍ଧନା କରାଯାଇଥିଲା । ଶାଖା ସଞ୍ଚାଳିକା ବ୍ରହ୍ମା କୁମାରୀ ବିଜୟ ଲକ୍ଷ୍ମୀ ଏହାର ପରିଚାଳନା କରିଥିଲେ । ମୁଖ୍ୟଅତିଥୀ ଭାବେ ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା ଯୋଗଦେଇ ଶ୍ରଦ୍ଧାସୁମନ ଅର୍ପଣ କରିଥିଲେ । ବ୍ରହ୍ମାକୁମାରୀ ପିଙ୍କି ଭଉଣୀ, ସୂର୍ଯ୍ୟଭାଇ, ଶାନ୍ତୁନୁ ଭାଇ ପ୍ରମୁଖ ମାମାଙ୍କ ସ୍ମୃତି ଉପରେ ଆଲୋକପାତ କରିଥିଲେ । ବ୍ରହ୍ମା କୁମାର ରଜନୀ କାନ୍ତ ଭାଇ ଧନ୍ୟବାଦ ଜ୍ଞାପନ କରିଥିଲେ ।