ଭୁବନେଶ୍ୱର, (କେପିଏନ୍ଏସ୍) : ଆଜି ଭୁବନେଶ୍ୱର ମହାନଗର ନିଗମର ପ୍ରଥମ କର୍ପୋରେସନ ବୈଠକ ଅନୁଷ୍ଠିତ ହେବ । ମେୟରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ବୈଠକରେ ସମସ୍ତ ୬୭ ୱାର୍ଡର କର୍ପୋରେଟର ଯୋଗେଦେବେ । ନୂଆ ପରିଷଦ ଗଠନ ହେବା ପରେ ଏହା ପ୍ରଥମ ବୈଠକ । ଏଥିରେ ସହରର ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହେବାର କାର୍ଯ୍ୟକ୍ରମ ରହିଛି । ସେପଟେ ନିଳାଦ୍ରୀବିହାର ଅଞ୍ଚଳରେ ଡେଙ୍ଗୁରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏହି ପ୍ରସଙ୍ଗ ଉଠାଇବାକୁ ବିରୋଧୀ ସଜବାଜ ହେଉଛନ୍ତି । ବିଶେଷ କରି ସହରର ପରିମଳ ବ୍ୟବସ୍ଥା ଭୁଶୁଡ଼ି ପଡିଥିବା ନେଇ ବିରୋଧୀ ଅଭିଯୋଗ କରିଛନ୍ତି । ସେହିପରି ଡ୍ରେନେଜ, ବାୟୋମାଇନିଂ ପ୍ରକଳ୍ପ, ଡାଟା ଏଣ୍ଟ୍ରି ଅପରେଟ ଦୁର୍ନୀତି ଆଦି ପ୍ରସଙ୍ଗ ବିରୋଧୀଙ୍କ ତାଲିକାରେ ରହିଛି । ସେପଟେ ବିଏମ୍ସି ପକ୍ଷରୁ ବୈଠକ ଆୟୋଜନ ପାଇଁ ପ୍ରସ୍ତୁତି ଚୂଡ଼ାନ୍ତରେ ପହଞ୍ଚିଛି ।