ନୂଆଦିଲ୍ଲୀ : ଆଜି ରାଜ୍ୟସଭା ନିର୍ବାଚନି । ୪ଟି ରାଜ୍ୟର ୧୬ ରାଜ୍ୟସଭା ଆସନ ପାଇଁ ମତଦାନ କରାଯିବ । ଏହାର ଫଳାଫଳ ରାଜ୍ୟସଭାରେ ବିଜେପି ନେତୃତ୍ୱାଧୀନ ଏନ୍ଡିଏର ସ୍ଥିତି ନିର୍ଦ୍ଧାରଣ କରିବ । ଲୋକସଭାରେ ଏନ୍ଡିଏର ସ୍ଥିତି ମଜଭୁତ ଥିଲା ବେଳେ ରାଜ୍ୟସଭାରେ ନାହିଁ । ମୋଟ ୫୭ ରାଜ୍ୟସଭା ଆସନ ପାଇଁ ଶୁକ୍ରବାର ଭୋଟ ଗ୍ରହଣ ହେବାର ଥିଲା । ସେଥିରୁ ୪୧ଟି ଆସନରେ ପ୍ରାର୍ଥୀମାନେ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇସାରି ଥିବାରୁ ୧୬ଟି ଆସନରେ ଭୋଟ ଗ୍ରହଣ କରାଯିବ । ହରିଆଣା, ମହାରାଷ୍ଟ୍ର, ରାଜସ୍ଥାନ ଓ କର୍ଣ୍ଣାଟକର ଏହି ୧୬ ଆସନ ପାଇଁ ୨୧ ପ୍ରାର୍ଥୀ ନିର୍ବାଚନ ମଇଦାନରେ ଅଛନ୍ତି ।