ବରଗଡ଼, (ସତ୍ୟନାରାୟଣ ପ୍ରଧାନ) : ବରପାଲି ବ୍ଲକ ଅନ୍ତର୍ଗତ ସତଲମା ପ୍ରାଥମିକ ବିଦ୍ୟାଳୟ ପରିସରରେ ଷଷ୍ଠ ସମଲେଶ୍ୱରୀ ଭଲିବଲ ଟୁର୍ଣ୍ଣାମେଣ୍ଟ ସମଲେଶ୍ୱରୀ ଭଲିବଲ୍ ସଙ୍ଘର ଆନୁକୂଲ୍ୟରେ ଉଦ୍ଘାଟିତ ହୋଇଯାଇଛି । ପ୍ରତିଯୋଗିତାକୁ ଯୁବନେତା ସୁମିତ ସାହୁ ଉଦ୍ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ସତଲମା ସମିତି ସଭ୍ୟ କୁନାଲ ଭୋଇ, ଶିକ୍ଷାବିତ୍ ହୃଷିକେଶ ଭୋଇ, ଶଶଧର ସାହୁ ଓ ସୋମନାଥ ମହାପାତ୍ର ଯୋଗଦାନ କରିଥିଲେ । କାର୍ଯ୍ୟକ୍ରମକୁ ସୁବୋଧ କୁମାର ପରିଚାଳନା କରିଥିବା ବେଳେ ଚିତ୍ତ ସାହୁ ସହଯୋଗ କରିଥିଲେ । ଏଥିରେ ଆଠୋଟି ଦଳ ଅଂଶଗ୍ରହଣ କରିଥିଲେ । ଫାଇନାଲ ଖେଳ ଲାହୋରସିଂ (ଛତିଶଗଡ) ବାଞ୍ଜିପାଲି (ଅମ୍ବାଭୋନା)କୁ ପରାସ୍ତ କରିଥିଲା । ଉଦ୍ଯାପନୀ ଉତ୍ସବରେ ମୁଖ୍ୟଅତିଥି ଭାବରେ ଯୁବନେତା କୁନାଲ ଭୋଇ, ଶସଧର ସାହୁ, ପିତାମ୍ବର ବରିହା, ଆଶିଷ ପଧାନ, ଦିନେଶ ସାହୁ ଯୋଗଦାନ କରିଥିଲେ । କାର୍ଯ୍ୟକ୍ରମକୁ ସୁବୋଧ କୁମାର ପରିଚାଳନା କରିଥିବା ବେଳେ ଚିତ୍ତରଞ୍ଜନ ସାହୁ ସହଯୋଗ କରିଥିଲେ । ପରିଶେଷରେ ସଂଜୀବ ସାହୁ ଧନ୍ୟବାଦ ଅର୍ପଣ କରିଥିଲେ ।