୧୭ ସେପ୍ଟେମ୍ବରରେ ‘ସ୍ୱସ୍ଥ ନାରୀ ସଶକ୍ତ ପରିବାର ଅଭିଯାନ’ ଏବଂ ଅଷ୍ଟମ ପୋଷଣ ମାସର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ
- ନିଜ ନିଜ ଅଞ୍ଚଳରେ ଏହି ସଚେତନତା ଅଭିଯାନରେ ଅଂଶଗ୍ରହଣ କରିବାକୁ ସବୁ ଦେଶବାସୀଙ୍କୁ ଅନୁରୋଧ : ଅନ୍ନପୂର୍ଣ୍ଣା ଦେବୀ
ନୂଆଦିଲ୍ଲୀ, (ପିଆଇବି) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ୧୭ ସେପ୍ଟେମ୍ବର ୨୦୨୫ରେ ‘ସ୍ୱସ୍ଥ ନାରୀ, ସଶକ୍ତ ପରିବାର ଅଭିଯାନ’ ଶୁଭାରମ୍ଭ କରିବାକୁ ଯାଉଛନ୍ତିଫ କେନ୍ଦ୍ର ମହିଳା ଏବଂ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ଅନ୍ନପୂର୍ଣ୍ଣା ଦେବୀ ଏକ୍ସରେ କରିଥିବା ଏକ ସୋସିଆଲ ମିଡିଆ ପୋଷ୍ଟରେ ଏହି ସୂଚନା ଦେଇଛନ୍ତିଫ ସେହି ୧୭ ତାରିଖଠାରୁ ଅଷ୍ଟମ ଜାତୀୟ ପୋଷଣ ମାସ ମଧ୍ୟ ଆରମ୍ଭ ହେଉଛି, ଯାହା ୧୬ ଅକ୍ଟୋବର ୨୦୨୫ ପର୍ଯ୍ୟନ୍ତ ଚାଲିବ । ସେ ସବୁ ଦେଶବାସୀଙ୍କୁ ନିଜ ନିଜ ଅଞ୍ଚଳରେ ଏହି ସଚେତନତା ଅଭିଯାନରେ ଅଂଶଗ୍ରହଣ କରିବାକୁ ଆହ୍ୱାନ କରିଛନ୍ତି । କେନ୍ଦ୍ର ମନ୍ତ୍ରୀ ଶ୍ରୀମତୀ ଅନ୍ନପୂର୍ଣ୍ଣା ଦେବୀ ନିଜ ପୋଷ୍ଟରେ ଲେଖିଛନ୍ତି :
‘‘ମାନନୀୟ ପ୍ରଧାନମନ୍ତ୍ରୀ ଶ୍ରୀ @narendramodiଙ୍କ କରକମଳରେ ୧୭ ସେପ୍ଟେମ୍ବର ୨୦୨୫ରେ ‘ସ୍ୱସ୍ଥ ନାରୀ, ସଶକ୍ତ ପରିବାର ଅଭିଯାନ’ ଆରମ୍ଭ ହେବାକୁ ଯାଉଛି । ଏହି ଦିନ ଅଷ୍ଟମ ଜାତୀୟ ପୋଷଣ ମାସ ମଧ୍ୟ ଆରମ୍ଭ ହେଉଛି ଯାହା ୧୬ ଅକ୍ଟୋବର ୨୦୨୫ ପର୍ଯ୍ୟନ୍ତ ଚାଲିବ । ଚଳିତ ବର୍ଷର ପ୍ରମୁଖ ଉଦ୍ଦେଶ୍ୟ ଏବଂ ବାର୍ତ୍ତା ହେଉଛି:-
• ମେଦବହୁଳତା ହ୍ରାସ ଉପରେ ଜୋର ଦେଇ ଚିନି ଏବଂ ତେଲ ସେବନକୁ ସୀମିତ କରିବା
• ପ୍ରାରମ୍ଭିକ ଶୈଶବ ଯତ୍ନ ଏବଂ ଶିକ୍ଷା – ‘‘ପୋଷଣ ସହିତ ପାଠପଢ଼ା ମଧ୍ୟ’’
• ଶିଶୁ ଏବଂ ନବଜାତଙ୍କ ଆହାର ପଦ୍ଧତି
• ପୋଷଣ ଏବଂ ଶିଶୁ ଯତ୍ନରେ ପୁରୁଷମାନଙ୍କର ଭାଗିଦାରୀ
• ସ୍ଥାନୀୟ ପୁଷ୍ଟିକର ଖାଦ୍ୟ ସମ୍ପଦକୁ ପ୍ରୋତ୍ସାହନ
ଏହା ସହିତ, ପ୍ରଧାନମନ୍ତ୍ରୀ ମାତୃବନ୍ଦନା ଯୋଜନା ଅଧୀନରେ ଆବେଦନ କରିବା ପାଇଁ ସାରା ଦେଶରେ ଗୋଟିଏ ସ୍ୱତନ୍ତ୍ର ପଞ୍ଜିକରଣ ଅଭିଯାନ ଆୟୋଜନ କରାଯିବ । ଆୟୁଷ୍ମାନ ଆରୋଗ୍ୟ ମନ୍ଦିର, ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଇତ୍ୟାଦିରେ ୭୫ ହଜାର ସ୍ୱାସ୍ଥ୍ୟ ଶିବିର ଆୟୋଜନ କରାଯିବ, ଯେଉଁଠାରେ ମହିଳା ଏବଂ ଶିଶୁଙ୍କ ସ୍ୱାସ୍ଥ୍ୟ ଆବଶ୍ୟକତା ଉପରେ ବିଶେଷ ଧ୍ୟାନ ଦିଆଯିବ ।
ମୁଁ ମୋର ସମସ୍ତ ଦେଶବାସୀଙ୍କୁ ଅନୁରୋଧ କରୁଛି ଯେ ସେମାନେ ନିଜ ନିଜ ଅଞ୍ଚଳରେ ଏହି ସଚେତନତା ଅଭିଯାନର ଅଂଶ ହୁଅନ୍ତୁ,’’ କେନ୍ଦ୍ର ମନ୍ତ୍ରୀ ଲେଖିଛନ୍ତି ।