ଆସନ୍ତାକାଲି ଠାରୁ ମିଳିବ ମିଳିତ ପୁଲିସ୍ ସେବା ପରୀକ୍ଷା-୨୦୧୮ର ଆଡ୍ମିଟ୍ କାର୍ଡ
କଟକ : ଆସନ୍ତାକାଲି ଠାରୁ ମିଳିବ ମିଳିତ ପୁଲିସ୍ ସେବା ପରୀକ୍ଷା-୨୦୧୮ର ଆଡ୍ମିଟ୍ କାର୍ଡ । ନିଯୁକ୍ତି ବିଜ୍ଞାପନ ପ୍ରକାଶର ଦୀର୍ଘ ୫ ବର୍ଷ ପରେ ମିଳିତ ପୁଲିସ ସେବା ପରୀକ୍ଷା ବା ସିପିଏସ୍ଇ-୨୦୧୮ ଅନୁଷ୍ଠିତ ହେବ । ସବ୍-ଇନ୍ସପେକ୍ଟର (ଏସ୍ଆଇ) ର୍ୟାଙ୍କର ଏହି ପରୀକ୍ଷା ଅନ୍ଲାଇନ୍ରେ କରାଯିବ ବୋଲି ପୁଲିସ୍ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ଓଡ଼ିଶା ପୁଲିସ ରିକ୍ରୁଟ୍ମେଣ୍ଟ ବୋର୍ଡ ଦ୍ୱାରା ପରିଚାଳିତ ଏହି ଅନ୍ଲାଇନ୍ ପରୀକ୍ଷା ଆସନ୍ତା ଜୁଲାଇ ୨ରୁ ୯ ତାରିଖ ଏବଂ ୧୧ ରୁ ୧୨ ତାରିଖ ମଧ୍ୟରେ ରାଜ୍ୟର ବିଭିନ୍ନ ପରୀକ୍ଷା କେନ୍ଦ୍ରରେ ଅନୁଷ୍ଠିତ ହେବ । ପରୀକ୍ଷା ପାଇଁ ଆଡମିଟ୍ କାର୍ଡ ଆସନ୍ତା ୧୮ ତାରିଖରୁ ଓଡ଼ିଶା ପୁଲିସ ୱେବସାଇଟ୍ରେ ଉପଲବଧ୍ ହେବ ।
ପୁଲିସ୍ ରିକ୍ରୁଟ୍ମେଣ୍ଟ୍ ବୋର୍ଡ ଦ୍ୱାରା ପରୀକ୍ଷା ସମ୍ପର୍କିତ ତଥ୍ୟ ପ୍ରାର୍ଥୀଙ୍କ ପଞ୍ଜିକୃତ ମୋବାଇଲ ନମ୍ୱର ଓ ଇମେଲରେ ଜଣାଇଦିଆଯିବ । ଯଦି ୱେବ୍ସାଇଟ୍ରେ ଆଡମିଟ୍ କାର୍ଡ ପାଇବାରେ ସମସ୍ୟା ହୁଏ, ପ୍ରାର୍ଥୀମାନେ ୱେବସାଇଟ୍ରେ ଉଲ୍ଲେଖ ଥିବା ହେଲ୍ପ ଡେକ୍ସ ନମ୍ବରରେ ଯୋଗାଯୋଗ କରିବାକୁ ପରାମର୍ଶ ଦିଆଯାଇଛି ।
ସୂଚନାଯୋଗ୍ୟ, ପୁଲିସ ଏସ୍ଆଇ ପଦରେ ନିଯୁକ୍ତି ପାଇଁ ମିଳିତ ପୁଲିସ ସେବା ପରୀକ୍ଷା-୨୦୧୮ ଲାଗି ୨୦୧୭ରେ ବିଜ୍ଞାପନ ବାହାରିଥିଲା ।