ବଲାଙ୍ଗିର, (କେପିଏନ୍ଏସ୍) : ପବିତ୍ର ଅକ୍ଷୟ ତୃତୀୟା ଶୁକ୍ରବାର ସନ୍ଧ୍ୟା ୭ଟା ସମୟରେ ଶବରୀ ନାରାୟଣ ଧର୍ମଶାଳା, ଇନ୍ଦିରାନଗର ବଲାଙ୍ଗିର ଠାରେ କବିଶ୍ରୀ ଜୟଦେବଙ୍କ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି । ପ୍ରଥମେ ମହାପ୍ରଭୁ ଶବରୀ ନାରାୟଣ ଓ କବି ଶ୍ରୀ ଜୟଦେବଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରି ପୂଜାର୍ଚ୍ଚନା କରାଗଲା । ଗୁରୁଶ୍ରୀ କ୍ଷମା ସାଗର ଯୋଷୀ ଜୟଦେବ କଳା ସଂସଦ ବଲାଙ୍ଗିର ପ୍ରଥମେ ଜୟଦେବଙ୍କ ରଚିତ ଦଶ ଅବତାର ସଙ୍ଗିତ ଆବୃତି କରିଥିଲେ । କଣ୍ଠଶିଳ୍ପୀ ନିଳାଚଳ ହୋତା, ବୁଦ୍ଧି ସାଗର ଯୋଷୀ, ରାହାସ ବିହାରୀ ଭୋଇ, ଟଙ୍କଧର ମିଶ୍ର, ବିକ୍ରମ ଚରଣ ସାହୁ, ସନ୍ତୋଷ କୁମାର ରଣଜିତ, ଯଥା ବିଶ୍ୱାଳ, ପ୍ରଦୀପ ପଟ୍ଟନାୟକ, ଦିଲ୍ଲୀପ କୁମାର ସିଂହଦେଓ, ରୋହିଣୀ ନାୟକ ବିଭିନ୍ନ ଭଜନ ପରିବେଷଣ କରିଥିଲେ । ଶେଷରେ ଉକ୍ତ ସମାରୋହ ସମାପନ ହୋଇ ପ୍ରସାଦ ସେବନ ହୋଇଥିଲା ।