ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ ବଲାଙ୍ଗିର ଗାନ୍ଧୀ ଷ୍ଟାଡିୟମ ଠାରେ ଚାଲିଥିବା କୁଚ ବେହେରା ଟ୍ରଫିର ତୃତୀୟ ଦିବସରେ ଓଡିଶା ଦଳ କାଲିର ଅସମାପ୍ତ ଖେଳ ୧୭୨/୫ରୁ ଆରମ୍ଭ କରି ସମୁଦାୟ ୨୦୨ ରନ୍ ସଂଗ୍ରହ କରି ଅଲ୍ ଆଉଟ୍ ହୋଇଯାଇଥିଲେ । ଫଳରେ ଓଡିଶା ଫଲୋଅନ୍ର ସମ୍ମୁଖିନ ହୋଇଥିଲା । ଫଲୋଅନ୍ ସମ୍ମୁଖିନ ହେବା ପରେ ଓଡିଶା ଦଳ ତାର ଦ୍ୱିତୀୟ ଇନିଂସରେ ୭ ୱିକେଟ ହରାଇ ୨୪୧ ରନ୍ ସଂଗ୍ରହ କରିଛି । ଓଡିଶା ଦଳ ତରଫରୁ ଆୟୁଷ ସୁତାର ସର୍ବାଧିକ ୭୪ ରନ୍, ପ୍ରୟାନ ସାମଲ ୫୫ ରନ୍ ସଂଗ୍ରହ କରିଥିଲେ । ବରୋଡା ଦଳ ତରଫରୁ ସଫଳ ବୋଲର ଭାବରେ ନିତ୍ୟା ଜେ. ପାଣ୍ଡିଆ ସର୍ବାଧିକ ୪ ଗୋଟି ୱିକେଟ ଓ କେଶର ୱାରକେ ୨ ଗୋଟି ୱିକେଟ ନେଇଥିଲେ ।
ସଂକ୍ଷିପ୍ତ ସ୍କୋର : ବରୋଡା ପ୍ରଥମ ଇନିିଂସ – ୫୩୭ ରନ୍
ଓଡିଶା ପ୍ରଥମ ଇନିଂସ – ୨୦୨ ରନ୍
ଓଡିଶା ଦ୍ୱିତୀୟ ଇନିଂସ – ୨୪୧/୭