କଂଟାବାଂଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା କଂଟାବାଂଜି ସହରର ୱାର୍ଡ ନଂ. ୧୧ର ଜଣେ ଯୁବକଙ୍କ ଟ୍ରେନରେ କଟି ମୃତ୍ୟୁ ହୋଇଛି । ଯୁବକ ଜଣକ ହେଲେ ବିଷ୍ଣୁ ଠାକୁର(୪୪) । ଏହା ବୁଧବାର ରାତି ସାଢେ ଆଠଟା ବେଳେ ଏହି ଘଟଣା ଘଟିଥିବା ଜଣାପଡିଛି । ମିଳିଥିବା ସୂଚନା ଅନୁସାରେ ବୁଧବାର ରାତିରେ ଟିଟିଲାଗଡ-ରାୟପୁର ପାସେଞ୍ଜର(ରଂଗବତୀ) ଟ୍ରେନରେ ବିଷ୍ଣୁ ଠାକୁର(୪୪) ନାମକ ଜଣେ ଯୁବକ କଂଟାବାଂଜି ପମ୍ପୁ ତଲାବ ନିକଟସ୍ଥ କି.ମି. ଖମ୍ବ ନଂ. ୧୭୧/୧୧-୧୨ଠାରେ କଟିଥିବା ଜଣାପଡିଛି । ଟିଟିଲାଗଡ-ରାୟପୁର ପାସେଞ୍ଜର ଟ୍ରେନଟି କଂଟାବାଂଜି ଅଭିମୂଖେ ଆସୁଥିବା ବେଳେ ଟ୍ରେନରେ ଯୁବକ ବିଷ୍ଣୁ ଠାକୁର କଟି ତାଙ୍କ ମୁଣ୍ଡଭାଗ ଅଂଶ ଟ୍ରେନର ଇଂଜିନରେ ଲାଗି ଷ୍ଟେସନକୁ ଚାଲିଯାଇଥିଲା । ଏହା ପରେ ଷ୍ଟେସନରେ ଟ୍ରେନ ପାଇଲଟ ସ୍ଥାନୀୟ ଜି.ଆର.ପି. ଓ ଷ୍ଟେସନ ମାଷ୍ଟରଙ୍କୁ ମେମୋ ଯୋଗେ ଜଣାଇଥିଲେ । ଟ୍ରେନ ପାଇଲଟର ମେମୋ ମୁତାବକ ଜି.ଆର.ପି. ଘଟଣାସ୍ଥଳକୁ ଯାଇ ଶବ ଜବତ ପରେ ଗୁରୁବାର ସକାଳୁ ସ୍ଥାନୀୟ ସରକାରୀ ଡାକ୍ତରଖାନାରେ ଶବ ବ୍ୟବଛେଦ କରି ପରିବାର ବର୍ଗଙ୍କୁ ହସ୍ତାନ୍ତର କରିଛି । ଏହି ଘଟଣାକୁ ନେଇ କଂଟାବାଂଜି ଜି.ଆର.ପି. ଏକ ଅପମୃତ୍ୟୁ ମାମଲା କେସ୍ (ନଂ.୩୫/୧୦.୮.୨୦୨୩) ରୁଜୁ କରି ଅଧିକ ତଦନ୍ତ କରୁଥିବା ଜି.ଆର.ପି. ଏ.ଏସ.ଆଇ. ଜୟଦେବ ସାହୁଙ୍କଠାରୁ ପ୍ରକାଶ ।
Next Post