ପଦ୍ମପୁର, (ନିରୋଜ କୁମାର ପାଣୀ) : ‘କୋଶଳ ପ୍ରବାହ’ ନ୍ୟୁଜ୍ ପୋର୍ଟାଲ୍ରେ ଖବର ପ୍ରସାରଣ ପରେ ଜଣେ ଅସହାୟ ବିଧବାଙ୍କୁ ପ୍ରଶାସନ ପକ୍ଷରୁ ଭତ୍ତା ପ୍ରଦାନ କରାଯାଇଛି । ସୂଚନାଯୋଗ୍ୟ ଯେ, ଗତ ୩ ତାରିଖ ଦିନ ‘କୋଶଳ ପ୍ରବାହ’ ନ୍ୟୁଜ୍ ପୋର୍ଟାଲ୍ରେ ‘୧୦ ବର୍ଷ ହେଲା ଅସହାୟ ବିଧବାଙ୍କୁ ମିଳୁନାହିଁ ଭତ୍ତା’ ଶୀର୍ଷକରେ ଏକ ଖବର ପ୍ରସାରଣ ହୋଇଥିଲା । ତେବେ ଏହି ଖବରକୁ ସମାଜିକ କର୍ମୀ ପ୍ରେମ କୁମାର ରଣା ବରଗଡ଼ ଜିଲ୍ଲାପାଳଙ୍କୁ ଟ୍ୱିଟ୍ କରିଥିବା ବେଳେ ତୁରନ୍ତ ପଦକ୍ଷେପ ନିଆଯାଇଥିବା ଜଣାପଡ଼ିଛି । ପାଇକମାଲ ବ୍ଲକ୍ କେର୍ମେଲାବାହାଲ ଗ୍ରାମ ପଞ୍ଚାୟତର ହରିଡ଼ାଟାଲ ଗାଁର ଗରିବ ତୁଲବତୀ ବାଗ(୪୮)ଙ୍କୁ ଏବେ ବିଧବା ଭତ୍ତା ପ୍ରଦାନ ପାଇଁ ପ୍ରଶାସନ ପକ୍ଷରୁ ବିହିତ ପଦକ୍ଷେପ ଗ୍ରହଣ କରାଯାଇଛି ।
