ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ଜିଲ୍ଲା କେନ୍ଦୁପତ୍ର ବନ କର୍ମଚାରୀମାନେ ଓଡିଶାରେ ଚାଲିଥିବା ହକି ବିଶ୍ୱ କପ ଏବଂ ଭାରତୀୟ ହକି ଦଳକୁ ପ୍ରତ୍ସାହିତ କରିବା ପାଇଁ ଏକ ମିନି ମାରାଥନ କରିଥିଲେ । ଏହା ବଲାଙ୍ଗିର କେନ୍ଦୁପତ୍ର ଡିଭିଜନ ଅଫିସରୁ ବାହାରି ସାର୍କିଟହାଉସ, ରୁଗୁଡିପଡା ଛକ, ରାଜେନ୍ଦ୍ର କଲେଜ ଛକ ଓ ମହିଳା ମହାବିଦ୍ୟଳୟ ଦେଇ ଆସିଥିଲା । ଏହାକୁ ପ୍ରଦୀପ୍ତ କୁମାର ମହାପାତ୍ର, ସିସିଏଫ୍ ସବୁଜ ପତାକା ଦ୍ୱାରା ଉଦ୍ଘାଟନ କରିଥିଲେ । ରଞ୍ଜିତ କୁମାର ମଲ୍ଲିକ ଡିଏଫ୍ଓ କେନ୍ଦୁପତ୍ର ବଲାଙ୍ଗିର ଏହାର ଆୟୋଜନ କରିଥିଲେ । ଏଥିରେ ବଲାଙ୍ଗିର, ପାଟଣାଗଡ ଓ ଟିଟିଲାଗଡ କେନ୍ଦୁପତ୍ର ଡିଭିଜନର ସମସ୍ତ ଫରେଷ୍ଟର, ଫରେଷ୍ଟଗାର୍ଡ ଅଂଶଗ୍ରହଣ କରିଥିଲେ । ମନୋଜ ସିକ୍କା, ଧନଜିଲାଲ ମୁଗ୍ରୀ, ସୁଧିର ତ୍ରିପାଠୀ, ସୂର୍ଯ୍ୟନାରାୟଣ ବେଜ୍ ଓ ଶୁଭ୍ରାଂଶୁ ମିଶ୍ର ଏହାର ପରିଚାଳନା କରିଥିଲେ ।