କଂଟାବାଂଜି, (ଗୁରୁଦୟାଲ ହଂସ) : ଖଇର କାଠରେ ଭର୍ତ୍ତି ଏକ ଗାଡି ଜବତ କରିଛି କଣ୍ଟାବାଞ୍ଜି ବନ ବିଭାଗ । ସୂଚନା ଅନୁସାରେ ଗତ ରାତିରେ ପାଟ୍ରୋଲିଂ କରୁଥିବା ସମୟରେ କଣ୍ଟାବାଞ୍ଜି ରେଞ୍ଜର କର୍ମଚାରୀମାନେ କଣ୍ଟାବାଞ୍ଜି ରେଞ୍ଜ ଅନ୍ତର୍ଗତ ତୁରେକେଲା ବିଭାଗର ଗଦ୍ଗଦ୍ବାହାଲ୍ ଗ୍ରାମ ନିକଟରେ ଖଇର କାଠରେ ଭର୍ତ୍ତି ଏକ ଗାଡି (ଓଡ଼ି ୦୩ଜି ୭୭୪୨) ଜବତ କରିଥିଲେ । ଜବତ ସାମଗ୍ରୀକୁ ଅଧିକ ଅନୁସନ୍ଧାନ ପାଇଁ ରେଞ୍ଜ ଅଫିସ କ୍ୟାମ୍ପସକୁ ଅଣାଯାଇଥିବା ଜଣାପଡ଼ିଛି । ରେଞ୍ଜ ଅଫିସର ଶ୍ରଦ୍ଧାଦେବ ବଡ଼ମାଲିଙ୍କ ନିର୍ଦ୍ଦେଶରେ କଣ୍ଟାବାଞ୍ଜି ରେଞ୍ଜର ପାରା କର୍ମଚାରୀଙ୍କ ସହ କଣ୍ଟାବାଞ୍ଜି ରେଞ୍ଜର କର୍ମଚାରୀମାନେ ଏହି ଜବତ କରିଥିବା ସୂଚନାରେ କୁହାଯାଇଛି ।