ରାୟଗଡ଼ା, (ଅକ୍ଷୟ କୁମାର ପିଡ଼ିସିକା) : ରାୟଗଡ଼ା ଜିଲ୍ଲା ମୁନିଗୁଡା ବ୍ଲକ ମୁନିଗୁଡା ଅଞ୍ଚଳର ଜଣେ ବ୍ୟବସାୟୀଙ୍କଠାରୁ ଲୁଟ୍ ଘଟଣାରେ ପୋଲିସ ୨ ଅଭିଯୁକ୍ତଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ଗଞ୍ଜାମ ଜିଲ୍ଲା ଆସିକା ଥାନା ଅଞ୍ଚଳର ଆଡୁ କାନ୍ଦୁଲୁ ଓ ଆର୍ ସୁରେନ୍ଦ୍ର ରେଡ୍ଡୀ ବୋଲି ଜଣାପଡିଛି । ସେମାନଙ୍କ ନିକଟରୁ ପୋଲିସ ୪ କେଜି ୨୧୦ ଗ୍ରାମ ରୁପା ଅଳଙ୍କାର ସହ ଏକ ବାଇକ୍ ଏବଂ ୧୫,୦୦୦ ଟଙ୍କା ଜବତ କରିଛି । ଚୋରି କରିଥିବା ଅଭିଯୁକ୍ତଙ୍କୁ କୋର୍ଟଚାଲାଣ କରାଯିବ ବୋଲି ରବିବାର ଦିନ ସାମ୍ବାଦିକ ସମ୍ମିଳନୀରେ ମୁନିଗୁଡ଼ା ଏସ୍ ଡିପିଓ ସନ୍ତୋଷସିନୀ ଓରାମ ସୂଚନା ଦେଇଛନ୍ତି । ସୂଚନା ଅନୁଯାୟୀ ଖମଣସାହି ବାସିନ୍ଧା ଗୌରୀ ସାହୁ ଗାଁ ଗାଁ ବୁଲି ରୁପା ବ୍ୟବସାୟ କରିଥାନ୍ତି । ଗତ ମାସ ୭ ତାରିଖରେ ସେ ରୁପା ଅଳଙ୍କାର ବିକ୍ରି କରିବା ପାଇଁ ଭୁରୁଷିଖମାର ଗାଁକୁ ଯାଇ ଜଣେ ବ୍ୟକ୍ତିଙ୍କ ସହ କଥାବାର୍ତ୍ତା ହେଉଥିବା ସମୟରେ ୨ ଜଣ ଯୁବକ ଏକ ବାଇକ୍ରେ ଆସି ସେହି ରୁପା ବାକ୍ସଟିକୁ ନେଇ ମୁନିଗୁଡା ଅଭିମୁଖେ ଦ୍ରୁତଗତିରେ ଚାଲି ଯାଇଥିଲେ । ସେନେଇ ରୁପା ବ୍ୟବସାୟୀ ମୁନିଗୁଡା ଥାନାରେ ଲିଖିତ ଅଭିଯୋଗ କରିଥିଲେ । ଏହି ଦିଗରେ ତଦନ୍ତ ପାଇଁ ମୁନିଗୁଡା ଥାନା ଅଧିକାରୀ ସନ୍ତୋଷିନୀ ଏକ ଟିମ୍ ଗଠନ କରି ବିଭିନ୍ନ ଅଞ୍ଚଳରୁ ସିସିଟିଭି ଫୁଟେଜ ଆଧାରରେ ଯାଞ୍ଚ କରିବା ସହ ଗଞ୍ଜାମ ଜିଲ୍ଲା ଆସିକା ଥାନା ଅଞ୍ଚଳକୁ ବାରମ୍ବାର ଯାଇ ଆସିକା ପୋଲିସ ସହାୟତାରେ ୨ ଅଭିଯୁକ୍ତଙ୍କୁ ଗିରଫ କରିଥିବା ସୂଚନା ମିଳିଛି ।
Prev Post