cnc1

ଜାମ୍ମୁ କାଶ୍ମୀରର ରାଜୌରୀ ସେକ୍ଟରରେ ଜଣେ ଜେସିଓ ଓ ଚାରିଜଣ ସୈନିକ ଶହୀଦ

bholanath

ଶ୍ରୀନଗର : ଜାମ୍ମୁ କାଶ୍ମୀରର ରାଜୌରୀ ସେକ୍ଟରରେ ୫ ସୈନିକଙ୍କ ଶହୀଦ ହେବାର ଦୁଃଖଦ ଖବର ସାମ୍ନାକୁ ଆସିଛି । ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସେନାର ଜଣେ ଜୁନିଅର କମିଶନ ଅଫିସର (ଜେସିଓ)ଙ୍କ ସମେତ ୫ ସୈନିକ ସହିଦ ହୋଇଛନ୍ତି । ଯେତେବେଳେ ସେନା ବାହିନୀ ରାଜୌରୀ ସେକ୍ଟରର ପୀର ପଞ୍ଜାଲରେ ଆତଙ୍କବାଦୀଙ୍କୁ ଗୋଡ଼ାଉଥିଲେ, ସେତେବେଳେ ଆତଙ୍କବାଦୀମାନେ ସେମାନଙ୍କୁ ଆକ୍ରମଣ କରିଥିବା ସୂଚନା ମିଳିଛି ।

ମିଳିଥିବା ସୂଚନା ଅନୁଯାୟୀ, ପାକିସ୍ତାନର ହଜିରା ଏବଂ ଡୁଙ୍ଗା ଅଞ୍ଚଳ ଅଛି, ଯେଉଁଠାରୁ ଅନୁପ୍ରବେଶ ଉଦ୍ୟମ କରାଯାଉଥିଲା । ଏହି ଅଞ୍ଚଳ ଲାଇନ୍ ଅଫ୍ କଣ୍ଟ୍ରୋଲ୍ ନିକଟରେ ସେନା ଅନୁପ୍ରବେଶ ବିଷୟରେ ସୂଚନା ପାଇବା ମାତ୍ରେ ଆତଙ୍କବାଦୀଙ୍କ ସନ୍ଧାନରେ ସୈନ୍ୟ ପଠାଯାଇଥିଲା । କିନ୍ତୁ ପୂର୍ବରୁ ଆତଙ୍କବାଦୀମାନେ ସେନା ୟୁନିଟ୍ ଉପରେ ଆକ୍ରମଣ କରିଥିଲେ ଏବଂ ଆତଙ୍କବାଦୀଙ୍କ ଆକ୍ରମଣରେ ସେନା ଅଧିକାରୀ ସମେତ ୫ ସୈନିକ ସହିଦ ହୋଇଥିଲେ ।

ଜଣାପଡ଼ିଛି ଯେ, ଆତଙ୍କବାଦୀଙ୍କ ବିରୋଧରେ ସେନା ଅପରେସନ ଜାରି ରହିଛି ଏବଂ ପ୍ରାରମ୍ଭିକ ସୂଚନା ଅନୁଯାୟୀ ୩-୪ ଆତଙ୍କବାଦୀଙ୍କୁ ଘେରାଉ କରାଯାଇଛି । ମିଳିଥିବା ସୂଚନା ଅନୁଯାୟୀ, ଯେଉଁଠାରେ ଆତଙ୍କବାଦୀମାନେ ଲୁଚି ରହିଥିଲେ ସେହି ସ୍ଥାନଟି ଏଲ୍‌ଓସିର ଅତି ନିକଟ ଏବଂ ନିକଟରେ ପାକିସ୍ତାନ ପୋଷ୍ଟ ମଧ୍ୟ ରହିଛି । ଗତ ୬ ମାସ ମଧ୍ୟରେ ସେନା ଏହି ସ୍ଥାନରେ ୩ ଥର ଆତଙ୍କବାଦୀଙ୍କ ସାମ୍ନା କରିଛି ଏବଂ ୪ ଜଣ ଆତଙ୍କବାଦୀ ନିହତ ହୋଇଛନ୍ତି ।

Leave A Reply

Your email address will not be published.

twenty − 19 =