ନାସିକ୍ : ଆଜିକାଲି ଦେଶରେ ପେଟ୍ରୋଲ ଏବଂ ଡିଜେଲର ମୂଲ୍ୟ ନିଆଁ ଭଳି ଲାଗୁଛି । ଏଭଳି ପରିସ୍ଥିତିରେ ଲୋକମାନେ ବୈଦ୍ୟୁତିକ ଯାନ ପ୍ରତି ଆଗ୍ରହ ଦେଖାଉଛନ୍ତି । ସେଥିମଧ୍ୟରୁ ଇଲେକ୍ଟ୍ରିକ୍ ସ୍କୁଟରଗୁଡିକ ବେଶ୍ ଗୁରୁତ୍ୱପୂର୍ଣ୍ଣ ଭୂମିକା ନେଇଛି । କିନ୍ତୁ ନିକଟ ଅତୀତରେ ବୈଦ୍ୟୁତିକ ସ୍କୁଟରରେ ଅଗ୍ନିକାଣ୍ଡ ଘଟିବା ଘଟଣା ଲୋକଙ୍କୁ ଛାନିଆଁ କରିଛି । ମହାରାଷ୍ଟ୍ରର ନାସିକରେ ଏଭଳି ଏକ ବଡ ମାମଲା ସାମ୍ନାକୁ ଆସିଛି । ଏଠାରେ ଥିବା କାରଖାନାରୁ ୨୦ଟି ଇଲେକ୍ଟ୍ରିକ୍ ସ୍କୁଟରରେ ନିଆଁ ଲାଗିଯାଇଥିଲା । ଏହି ସ୍କୁଟରଗୁଡିକ ଜିତେନ୍ଦ୍ର ଇଭି ନାମକ ଏକ କମ୍ପାନୀ ଦ୍ୱାରା ପ୍ରସ୍ତୁତ କରାଯାଇଥିଲା । ବିଶ୍ୱାସ କରାଯାଏ ଯେ, ଏହା ଦେଶର ପ୍ରଥମ ପ୍ରମୁଖ ଘଟଣା । ଯେତେବେଳେ ଏତେ ସଂଖ୍ୟକ ବୈଦ୍ୟୁତିକ ସ୍କୁଟରରେ ନିଆଁ ଲାଗିଯାଇଥିଲା ।
ଏଥି ସହିତ ଜିତେନ୍ଦ୍ର ଇଭି ମଧ୍ୟ ଏହି ଅଗ୍ନିକାଣ୍ଡର ଘଟଣାକୁ ନିଶ୍ଚିତ କରିଛନ୍ତି । କଂପାନୀ ପକ୍ଷରୁ କୁହାଯାଇଛି ଯେ, ଏହି ଘଟଣାର କାରଣ ଅନୁସନ୍ଧାନ କରାଯାଉଛି । କମ୍ପାନୀର ମୁଖପାତ୍ର କହିଛନ୍ତି, ଅଗ୍ନିକାଣ୍ଡର ଏହି ଘଟଣା ଏପ୍ରିଲ ୯ରେ କାରଖାନା ଫାଟକ ନିକଟରେ ଘଟିଥିଲା । ସ୍କୁଟରଗୁଡ଼ିକରେ ନିଆଁ ଲାଗିଯାଇଥିଲା । ତେବେ ଏହି ଅଗ୍ନିକାଣ୍ଡର ଘଟଣାକୁ ଆମ ଦଳ ତୁରନ୍ତ ନିୟନ୍ତ୍ରଣକୁ ଆଣିଥିଲା । ସୁରକ୍ଷା ଆମ ପାଇଁ ପ୍ରଥମ ପ୍ରାଥମିକତା ଦିଆଯାଇଛି ।