ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ପଞ୍ଚାୟତ ସମିତିର ନବ ନିର୍ବାଚିତ ଅଧ୍ୟକ୍ଷା ଶ୍ରୀମତୀ ଭାବନା ସିଂ ଅଧ୍ୟକ୍ଷା ଭାବରେ ନିର୍ବାଚିତ ହେବା ପରେ ବିଧିବଦ୍ଧ ଭାବେ ଆଜି ପାଇକମାଲ ଗୋଷ୍ଠୀ ଉନ୍ନୟନ ଅଧିକାରୀ ଉପାଞ୍ଜଳି ମାଝୀଙ୍କ ଠାରୁ ଦାୟିତ୍ୱ ଗ୍ରହଣ କଲେ । ଏହା ସହିତ ନିଜ ପଞ୍ଚାୟତ କେଛୋଦାଦର ଯାଇ ପଞ୍ଚାୟତର ହୀରପୁର, ଛେଳିଆମାଲ, କେଛୋଦାଦର, ନୂଆଗାଁ, ଝାରମୁଣ୍ଡା ଆଦି ଗ୍ରାମରେ ବୁଲି ବୁଲି ପଞ୍ଚାୟତର ବରିଷ୍ଠ ବ୍ୟକ୍ତିଙ୍କର ନିକଟରୁ ଆଶୀର୍ବାଦ ନେଇଥିଲେ । ଏଠାରେ ସୂଚନାଯୋଗ୍ୟ ଯେ, ଶ୍ରୀମତୀ ସିଂ ଏହି କେଛୋଦାଦର ପଞ୍ଚାୟତରୁ ପଞ୍ଚାୟତ ସମିତି ସଭ୍ୟ ଭାବରେ ନିର୍ବାଚିତ ହୋଇଥିଲେ । ଜଣେ ମହିଳା ଭାବେ ଶ୍ରୀମତୀ ସିଂଙ୍କ ଠାରୁ ଅଞ୍ଚଳବାସୀ ପାଇକମାଲ ବ୍ଲକର ଉନ୍ନତି ଆଶା ରଖିଛନ୍ତି ।