ପାଟନା : ଆଜି ସକାଳେ ବିହାରର ମଧୁବନୀ ରେଳ ଷ୍ଟେସନରେ ଠିଆ ହୋଇଥିବା ଟ୍ରେନରେ ହଠାତ୍ କୌଣସି କାରଣରୁ ନିଆଁ ଲାଗିଯାଇଥିବା ଜଣାପଡିଛି । ସୂଚନା ଅନୁସାରେ, ଦିଲ୍ଲୀରୁ ଆସୁଥିବା ସ୍ୱତନ୍ତ୍ର ସେନାନୀ ସୁପରଫାଷ୍ଟ ଏକ୍ସପ୍ରେସରେ ନିଆଁ ଲାଗିଯାଇଥିବା ବେଳେ ନିଆଁ ଖୁବ୍ ଶୀଘ୍ର ତୀବ୍ର ହୋଇଯାଇଥିଲା ଏବଂ ଟ୍ରେନ୍ ଜଳିବା ଆରମ୍ଭ କରିଥିଲା, ତେବେ ସେତେବେଳେ ଏହା ସମ୍ପୂର୍ଣ୍ଣ ଖାଲିଥିଲା ବୋଲି କୁହାଯାଉଛି । ଷ୍ଟେସନରେ ଉପସ୍ଥିତ ଥିବା ଲୋକ ଏବଂ କର୍ମଚାରୀମାନେ ତୁରନ୍ତ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରଖିଥିବା ଜଣାପଡିଛି । ତେବେ ଅଗ୍ନିକାଣ୍ଡର କାରଣ ଏ ପର୍ଯ୍ୟନ୍ତ ସ୍ପଷ୍ଟ ଜଣାପଡିନଥିବା କୁହାଯାଉଛି ।