ବଲାଙ୍ଗିର, (କେପିଏନ୍ଏସ୍) : କନ୍ଦାଜୁରୀର ଯୁବନେତା ଅଶୋକ ବେହେରାଙ୍କ ଧର୍ମପତ୍ନୀ ବରିଷ୍ଠ ବିଜେଡି ନେତ୍ରୀ ତଥା ସରପଞ୍ଚ ଶ୍ରୀମତୀ ତନୟା ବେହେରା କଂଗ୍ରେସରେ ଯୋଗ ଦେଇଛନ୍ତି । ସେ ବିଧାୟକ ନରସିଂହ ମିଶ୍ରଙ୍କ କର୍ତ୍ତବ୍ୟ ନିଷ୍ଠତା ଦେଖି କଂଗ୍ରେସ ଦଳ ପ୍ରତି ଅନୁପ୍ରାଣିତ ହେବା ସହ କଂଗ୍ରେସ ଦଳରେ ସାମିଲ ହୋଇଛନ୍ତି । ଆଗାମୀ ସମୟରେ ଦଳରେ ନୀତି ଓ ଆଦର୍ଶକୁ ମାନି ଜନହିତକର କାର୍ଯ୍ୟକ୍ରମ ହାତକୁ ନେବି ବୋଲି ସେ ମତ ପ୍ରକାଶ କରିଛନ୍ତି । ସୂଚନା ଯୋଗ ଯେ, ଏଥରେ ସେ ୩୩ ନମ୍ବର ଜୋନର ଜିଲ୍ଲା ପରିଷଦ ପାଇଁ ପ୍ରାର୍ଥିନୀ ଭାବେ ନିର୍ବାଚନ ମଇଦାନକୁ ଉପନୀତ ହୋଇଛନ୍ତି । ଶ୍ରୀମତୀ ବେହେରା କଂଗ୍ରେସରେ ଯୋଗଦାନ କରିବା ସମୟରେ ପିସିସି ସାଧାରଣ ସମ୍ପାଦକ ସମରେଦ୍ର ମିଶ୍ର, ଜିଲ୍ଲା କଂଗ୍ରେସ କମିଟି ସଭାପତି ଦୀଲିପ ବେହରା, ଜିଲ୍ଲା କିଶାନ କଂଗ୍ରେସ କମିଟି ସଭାପତି ସାନନ୍ଦ ମିଶ୍ର ଉପସ୍ଥିତ ଥିଲେ ।
