ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲା ମହକୁମା ଛତ୍ରପୁର ଷ୍ଟାଡିୟମରେ ଅଗ୍ରଣୀ ସଂଗଠନ ୟୁଥମାସ ସେବାସଂଘ ଆନୁକୂଲ୍ୟରେ ଗତ ଜାନୁଆରୀ ୫ ତାରିଖରୁ ଆରମ୍ଭ ହୋଇଥିବା କ୍ରିକେଟ ଟୁର୍ଣ୍ଣାମେଣ୍ଟ ବୁଧବାର ସନ୍ଧ୍ୟାରେ ଉଦ୍ଯାପିତ ହୋଇଯାଇଛି । ଫାଇନାଲ ମ୍ୟାଚରେ ପାୱାରହିଟର ସିକ୍ସକୁ ହରାଇ ହୁମ୍ମା ଦଳ ୧୫୧ ସ୍କୋରରେ ବିଜୟୀ ହୋଇଛନ୍ତି । ଫାଇନାଲରେ ବିଜେତା ଦଳ ସହ ପ୍ରତିଦ୍ବନ୍ଦୀ ଦଳକୁ ଏବଂ ଶ୍ରେଷ୍ଠ ଖେଳାଳି, ସଂଗଠକଙ୍କୁ ପୁରସ୍କାର, ଟ୍ରଫି ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ମୁଖ୍ୟ ଅତିଥି ଭାବେ ଆସ୍କା ସାଂସଦ ପ୍ରମିଳା ବିଶୋଇ ଯୋଗଦେଇ କୃତି ଖେଳାଳିଙ୍କୁ ପୁରସ୍କୃତ କରି ସମ୍ବର୍ଦ୍ଧିତ କରିଥିଲେ । ଅନ୍ୟମାନଙ୍କ ମଧ୍ୟରେ ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା, ବିଜେଡି ସାଙ୍ଗଠନିକ ନେତ୍ତୃତ୍ୱ ଟି.ଚନ୍ଦ୍ର ଶେଖର ରାଓ, ରାଜେଶ ସାହୁ, ବି.ରାଜିବାବୁ ପ୍ରମୁଖ ବହୁ ଗଣ୍ୟମାନ୍ୟ ବ୍ୟକ୍ତି ଯୋଗଦେଇଥିଲେ । ସଂଗଠନର ଆଇନ ପରାମର୍ଶ ଦାତା ବି.ଶ୍ରୀନିବାସ, ମୁଖ୍ୟପରିଚାଳକ ସୟେଦ ମୁକ୍ତାର, କାର୍ଯ୍ୟକାରୀ ସଦସ୍ୟ ଏ.ରାବଣା ରାଓ ପ୍ରମୁଖଏହି କାର୍ଯ୍ୟକ୍ରମରେ ସକ୍ରୀୟ ଅଂଶଗ୍ରହଣ କରିଥିଲେ ।