ସୁବର୍ଣ୍ଣପୁର, (ପ୍ରଭୁଦତ୍ତ ରଥ) : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ମୁଖ୍ୟ ଛକଠାରେ ମର୍ମନ୍ତୁତ ସଡକ ଦୁର୍ଘଟଣା ଘଟିଥିବା ଖବର ମଳିଛି । ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଛକରେ ବାଇକ୍କୁ ପଛରୁ ପିଟି ହାଇୱା ଫେରାର ମାରିଥିବା ବେଳେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତ ବାଇକ ଚାଳକ ହେଲେ ଉଲୁଣ୍ଡା ବ୍ଲକ କଳାପଥର ପଂଚାୟତର ଜଗନ୍ନାଥପାଲି ଗ୍ରାମର ମକୁନ୍ଦ ମେହେର । ସୂଚନା ଯୋଗ୍ୟ ଯେ, ବାଇକ ଆରୋହୀ ଜଣକ ଔଷଧ ନେବାକୁ ଆସି ଘରକୁ ଫେରିବା ବେଳେ ସନ୍ଧ୍ୟା ସମୟରେ ବୀରମହାରାଜପୁର ମୁଖ୍ୟ ଛକରେ ସୋନପୁର ପଟରୁ ଏକ ହାଇୱା ଦ୍ରୁତ ବେଗରେ ସୁବଳୟା ଆଡକୁ ଯାଉଥିଲା । ଏହି ସମୟରେ ଓଡି୩୧ବି୯୦୮୩ ନମ୍ବର ବାଇକକୁ ପଛପଟୁ ଧକ୍କା ଦେଇ ହାଇୱା ଘଟଣାସ୍ଥଳରୁ ଫୋରାର୍ ମାରିଥିବା ବେଳେ ବାଇକ ଚାଳକଙ୍କ ମୃତ୍ୟୁ ହୋଇଥିଲା । ଖବର ପାଇ ବୀରମହାରାଜପୁର ଦମକଳ ବାହନୀ ଆସି ଯୁବଙ୍କୁ ସ୍ଥାନୀୟ ଡାକ୍ତରଖାନାକୁ ଆଣିଥିଲେ । ମୃତ ଦେହକୁ ଡାକ୍ତରଖାନାରେ ରଖାଯାଇଛି । ଦୁର୍ଘଟଣା ଘଟାଇଥିବା ହାଇୱାକୁ ସୁବଳୟା ପୋଲିସ କାବୁ କରି ଅଟକ ରଖିଥିବା ଜଣାପଡିଛି ।