ବୌଦ୍ଧ, (ବଂଶୀଧର ମାଝୀ) : ମନମୁଣ୍ଡା ଥାନା ଅନ୍ତର୍ଗତ ଝିଙ୍କରପାଲି ଗ୍ରାମରେ ଜନୈକ ଯୁବକ ବେକରେ ଦଉଡି ଦେଇ ଆତ୍ମହତ୍ୟା କରିଥିବା ଆଜି ମନମୁଣ୍ଡା ଥାନାରେ ଅଭିଯୋଗ ହୋଇଛି । ପୁଲିସ ସୂଚନା ଅନୁସାରେ ଗତକାଲି ରାତିରେ ଝିଙ୍କରପାଲି ଗ୍ରାମର ରଙ୍କ ପୁଟେଲ(୫୦) ଆର୍ଥିକ ସମସ୍ୟା ଯୋଗୁଁ ଅସମ୍ପୂର୍ଣ୍ଣ ଘରକୁ ପୁରା କରି ନ ପାରିବା କାରଣରୁ ସ୍ତ୍ରୀ ସହିତ କଳହ କରି ଗାଁ ପାଖ ଏକ ଗଛରେ ବେକରେ ଦଉଡି ଦେଇ ଆତ୍ମହତ୍ୟା କରିଥିଲେ । ସ୍ଥାନୀୟ ଲୋକେ ଏହାକୁ ଦେଖି କାଳେ ବଞ୍ଚିଛି ଭାବି ବେକରୁ ଦଉଡି ଖୋଲି ମନମୁଣ୍ଡା ପୁଲିସକୁ ସୂଚନା ଦେଇଥିଲେ । ଖବର ପାଇ ମନମୁଣ୍ଡା ପୁଲିସ ଘଟଣା ସ୍ଥଳକୁ ଯାଇ ଶବକୁ ଉଦ୍ଧାର କରିଥିଲା । ମନମୁଣ୍ଡା ଡାକ୍ତରଖାନାରେ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜୁ କରି ପୁଲିସ ଆତ୍ମହତ୍ୟା ଘଟଣାର ତଦନ୍ତ ଚଲାଇଛି ।