ସୁବର୍ଣ୍ଣପୁର, (ପ୍ରଭୁଦତ୍ତ ରଥ) : ସୁବର୍ଣ୍ଣପୁର ଜିଲ୍ଲା ଶିଆଳି ଗାଁର ଗୋଟିଏ ପରିବାରକୁ ସଂଘବଦ୍ଧ ଆକ୍ରମଣ ହୋଇଥିବା ଜଣାପଡିଛି । ତେବେ ଏଥିରେ ଗୋଟିଏ ପରିବାର ୫ ଜଣ ଗୁରୁତର ଆହତ ହୋଇଛନ୍ତି । ଆହତଙ୍କ ମଧ୍ୟରୁ ଘରର ୩ ଜଣ ମହିଳା ଏବଂ ୨ ଜଣ ପୁରୁଷ ବୋଲି ଖବର ମଳିଛି । ସୂଚନା ଯୋଗ୍ୟ ଯେ, ସୁବର୍ଣ୍ଣପୁର ଜିଲ୍ଲା ଶିଆଳି ଗାଁର ଏକ ପରିବାର ୫ ଜଣ ଲୋକ ମାରଣାସ୍ତ୍ର ଧରି ଗାଁରେ ଥିବା ନିହାଲ ପରିବାରଙ୍କ ଘରକୁ ପଶି ଆକ୍ରମଣ କରିଥିଲେ । ଫଳରେ ନିହାଲ ପରିବାର ୩ ଜଣ ମହିଳାଙ୍କ ସମେତ ୨ ଜଣ ପୁରୁଷ ଗୁରୁତର ଆହତ ହୋଇଥିଲେ । ଆହତ ମାନଙ୍କୁ ଡୁଙ୍ଗୁରିପାଲି ଡାକ୍ତରଖାନାରେ ଭର୍ତ୍ତି କରାଯାଇଛି । ଆହତ ମାନେ ହେଲେ ସାହେବ ନିହାଲ, ରୋହିତ ନିହାଲ, ହିମାଦ୍ରୀ ନିହାଲ ଏବଂ ଅପସରା ଷାଣ୍ଢ । ଘଟଣାସ୍ଥଳରେ ପୋଲିସ ପହଞ୍ଚି ୫ ଜଣଙ୍କ ମଧ୍ୟରୁ ଜଣକୁ କାବୁ କରି ଲଛିପୁର ପୋଲିସକୁ ହସ୍ତାନ୍ତର କରିଛି । ତେବେ ପୋଲିସ କାବୁ କରିଥିବା ବ୍ୟକ୍ତି ଜଣଙ୍କ ନାମ ହେଲା ରଙ୍କ ଜାଲ । ପୂର୍ବ ଶତୃତାରୁ ଏହି ଆକ୍ରମଣ ହୋଇଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି ।