ବୌଦ୍ଧ, (ମମତା ମହାକୁର) : ବୌଦ୍ଧ ଜିଲ୍ଲା ଜରନାଲିଷ୍ଟ ଫୋରମ ତରଫରୁ ବୌଦ୍ଧ ଟାଉନହଲ ଠାରେ ଦୁଇ ଦିନିଆ ଷଷ୍ଠଦଶ ବୌଦ୍ଧ ପୁସ୍ତକ ମେଳା ଆରମ୍ଭ ହୋଇଯାଇଛି । ଜିଲ୍ଲାପାଳ ଲଲାଟେନ୍ଦୁ ମିଶ୍ର ମୁଖ୍ୟ ଅତିଥି ଭାବରେ ଉପସ୍ଥିତ ରହି ଏହି ମେଳାର ଶୁଭ ଉଦ୍ଘାଟନ କରିଥିଲେ । ଦୁଇ ଦିନ ଧରି ଚାଲିବାକୁ ଥିବା ଏହି ପୁସ୍ତକ ମେଳାରେ ବୌଦ୍ଧ ଗଡଜାତ ଓ ବୌଦ୍ଧ ଜିଲ୍ଲାର ଇତିହାସ ସହ ଜଡିତ ଅନେକ ପୁସ୍ତକ ପ୍ରଦର୍ଶନୀରେ ସ୍ଥାନ ପାଇଛି । ଜିଲ୍ଲାର ବିଶିଷ୍ଟ ଲେଖକ ଲେଖିକାଙ୍କ ଉପନ୍ୟାସ ଗୁଡିକ ମଧ୍ୟ ସ୍ଥାନ ପାଇଛି । ପୁସ୍ତକମେଳା ଅବସରରେ ଫୋରମ ତରଫରୁ ପ୍ରତ୍ୟେକ ଦିନ ସଂନ୍ଧ୍ୟାରେ କବିତା ପଠୋତ୍ସବ, ହାସ୍ୟକବି ସମ୍ମିଳନୀ ତଥା ବିଭିନ୍ନ ପ୍ରସଙ୍ଗକୁ ନେଇ ବିଶିଷ୍ଟ ଅତିଥିମାନଙ୍କ ଦ୍ୱାରା ଆଲୋଚନା କରାଯିବାର କାର୍ୟ୍ୟକ୍ରମ ରହିଛି । ପୁସ୍ତକମେଳାର ଉଦଘାଟନୀ ଅବସରରେ ସଭାପତି ଦିବ୍ୟଶଙ୍କର ରାଉତ, ସାଧାରଣ ସଂପାଦକ ଯୁଗଳ କିଶୋର ସାମଲଙ୍କ ସହ ସମସ୍ତ ସଦସ୍ୟ ଉପସ୍ଥିତ ରହିଥିଲେ ।