ବରଗଡ଼, (ନିରୋଜ କୁମାର ପାଣୀ) : ଲୋକସଭାରେ ନିଜ ନିର୍ବାଚନ ମଣ୍ଡଳୀର ଜନସାଧାରଣଙ୍କ ସମସ୍ୟାକୁ ନେଇ ସ୍ୱର ଉତ୍ତୋଳନ କରିଛନ୍ତି ବରଗଡ଼ ସାଂସଦ ପ୍ରଦୀପ ପୁରୋହିତ । ବିଶେଷ କରି ରେଳ ସେବାର ବିକାଶ ଓ ଯାତ୍ରୀଙ୍କ ସୁବିଧାକୁ ନେଇ ସେ ଗୃହରେ କେତେକ ଗୁରୁତ୍ୱପୂର୍ଣ୍ଣ ଦାବି ରଖିଛନ୍ତି । ନୂତନ ରେଳ ଲାଇନ ବରଗଡ଼ ଅଞ୍ଚଳରେ ଚାଲିଥିବା ୧୧୮ କିଲୋମିଟର ବିଶିଷ୍ଟ ନୂତନ ରେଳ ପ୍ରକଳ୍ପ କାର୍ଯ୍ୟକୁ ତ୍ୱରାନ୍ୱିତ କରି ଶୀଘ୍ର ଶେଷ କରିବାକୁ ସେ ଦାବି କରିଛନ୍ତି । ଅପରପକ୍ଷରେ ନୂତନ ଟ୍ରେନ ପ୍ରଚଳନ ହେବା ପାଇଁ ବରଗଡ଼-ବଲାଙ୍ଗିରରୁ ଭୁବନେଶ୍ୱର ପର୍ଯ୍ୟନ୍ତ ସକାଳ ସମୟରେ ଏକ ନୂତନ ଟ୍ରେନ ଚଳାଇବା ପାଇଁ ସେ ସରକାରଙ୍କୁ ଅନୁରୋଧ କରିଛନ୍ତି । ଏତଦବ୍ୟତୀତ ଇସ୍ପାତ ଏକ୍ସପ୍ରେସର ବିଳମ୍ବ ପ୍ରତିଦିନ ୭ରୁ ୮ ଘଣ୍ଟା ବିଳମ୍ବରେ ଚାଲୁଥିବା ଇସ୍ପାତ ଏକ୍ସପ୍ରେସ ଯୋଗୁଁ ଯାତ୍ରୀମାନେ ଅନେକ ହଇରାଣ ହେଉଛନ୍ତି ବୋଲି ସେ ଠିକ୍ ସମୟରେ ରେଳ ଚଳାଚଳ କରାଯିବାକୁ ଦାବୀ କରିବା ସହ ଏହାର ସମୟାନୁବର୍ତ୍ତିତା ଉପରେ ସେ ସରକାରଙ୍କ ହସ୍ତକ୍ଷେପ ଲୋଡ଼ିଛନ୍ତି । ଅଧାପନ୍ତରିଆ ଅଣ୍ଡର ବ୍ରିଜ ବେଲପାହାଡ଼ଠାରେ ପ୍ରଧାନମନ୍ତ୍ରୀଙ୍କ ଦ୍ୱାରା ଉଦ୍ଘାଟିତ ରେଲୱେ ଅଣ୍ଡର ବ୍ରିଜ୍ (ଆରୟୁବି) କାର୍ଯ୍ୟ ଅଧାରେ ଅଟକି ରହିଛି । ଏହାକୁ ତୁରନ୍ତ ସମ୍ପୂର୍ଣ୍ଣ କରିବାକୁ ସାଂସଦ ଶ୍ରୀ ପୁରୋହିତ ଦାବୀ କରିଛନ୍ତି ।