ନୂଆଦିଲ୍ଲୀ, (ପିଆଇବି) : ଓଡ଼ିଶାର ଆଦିବାସୀ ଅଧ୍ୟୁଷିତ ଅଞ୍ଚଳରେ ଔଷଧ ବିତରଣକୁ ସୁଗମ କରିବାକୁ ଜନ ଔଷଧୀ ଯାନ ଚଳାଇବା ପାଇଁ ଓଡ଼ିଶା ସରକାରଙ୍କ ପକ୍ଷରୁ କୌଣସି ପ୍ରସ୍ତାବ ମିଳିନାହିଁ । ତେବେ ୩୧ ଡିସେମ୍ବର ୨୦୨୫ ସୁଦ୍ଧା ଓଡ଼ିଶାରେ ୮୦୩ଟି ଜନ ଔଷଧୀ କେନ୍ଦ୍ର ଖୋଲାଯାଇଛି, ଯାହା ମଧ୍ୟରୁ ସରକାରୀ ପରିସରରେ ୨୧ଟି ଜନ ଔଷଧୀ କେନ୍ଦ୍ର ଅନ୍ତର୍ଭୁକ୍ତ । ଏହା ବ୍ୟତୀତ, ଔଷଧ ଏବଂ ପ୍ରସାଧନ ସାମଗ୍ରୀ ଆଇନ, ୧୯୪୦ ର ନିୟମ ୬୪, ନିୟମ ୧୯୪୫ ଅନୁଯାୟୀ, ଜୀବନ ରକ୍ଷାକାରୀ ଔଷଧ ନିମନ୍ତେ ଶୀତଳ ଶୃଙ୍ଖଳା ରକ୍ଷଣାବେକ୍ଷଣ ସମେତ ନିର୍ଦ୍ଧାରିତ ଭିତ୍ତିଭୂମି ଏବଂ ସଂରକ୍ଷଣ ଆବଶ୍ୟକତା ପୂରଣ କରୁଥିବା ଏକ ନିର୍ଦ୍ଦିଷ୍ଟ, ସ୍ଥାୟୀ ସ୍ଥାନ ପାଇଁ ଖୁଚୁରା ଔଷଧ ବିକ୍ରୟ ଲାଇସେନ୍ସ ପ୍ରଦାନ କରାଯାଉଛି । ବର୍ତ୍ତମାନର ନିୟମ ଅନୁସାରେ ମୋବାଇଲ୍ ୟୁନିଟ୍ ଗୁଡ଼ିକୁ ଖୁଚୁରା ଲାଇସେନ୍ସ ପ୍ରଦାନ କରିବା ପାଇଁ କୌଣସି ବ୍ୟବସ୍ଥା ନାହିଁ । ଏହି ସୂଚନା କେନ୍ଦ୍ର ରସାୟନ ଏବଂ ସାର ରାଷ୍ଟ୍ରମନ୍ତ୍ରୀ ଶ୍ରୀମତୀ ଅନୁପ୍ରିୟା ପଟେଲ ଆଜି ରାଜ୍ୟସଭାରେ ଏକ ଲିଖିତ ଉତ୍ତର ମାଧ୍ୟମରେ ପ୍ରଦାନ କରିଛନ୍ତି ।