ଏଚ୍‌ଆଇଭି ଏଡସ ସଚେତନତା କାର୍ଯ୍ୟକ୍ରମ

ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ପଞ୍ଚାୟତ ସମିତି ଉଚ୍ଚ ମାଧ୍ୟମିକ ବିଦ୍ୟାଳୟ ବଙ୍ଗୋମୁଣ୍ଡାଠାରେ ଯୁବ ରେଡ୍‌କ୍ରସ୍ ବିଭାଗ ଏବଂ ରେଡ୍‌ରିବନ୍ କ୍ଲବ ତରଫରୁ ଏକ ଏଡ୍‌ସ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷା ମିନତୀ ରଥଙ୍କ ସଭାପତିତ୍ୱରେ ଏହି ସଚେତନତା କାର୍ଯ୍ୟକ୍ରମରେ ଯୁବ ରେଡ୍‌କ୍ରସ୍ ସଂଯୋଜକ ଅଧ୍ୟାପକ ରଶ୍ମିରଂଜନ ସ୍ୱାଇଁ ସ୍ୱାଗତ ଭାଷଣ ପ୍ରଦାନ କରିବା ସହିତ ଅତିଥି ପରିଚୟ ପ୍ରଦାନ କରିଥିଲେ । +୨ ଦ୍ୱିତୀୟ ବର୍ଷର ସ୍ୱେଚ୍ଛାସେବୀ ଦୁର୍ଗା ବାଗ ସ୍ୱାଗତ ସଂଗୀତ ପରିବେଷଣ କରିଥିଲେ । ସିନ୍ଧେକେଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଭାରପ୍ରାପ୍ତ ଅଧିକାରୀ ଡା. ଜୟନ୍ତ ବାଗ ମୁଖ୍ୟ ଅତିଥି ଭାବରେ ଯୋଗଦେଇ ଏଡ୍‌ସ୍‌ର ଭୟାବହତା, ଏହାର ସଂକ୍ରମଣର କାରଣ ଓ ନିରାକରଣ ସମ୍ବନ୍ଧରେ ଛାତ୍ରଛାତ୍ରୀମାନଙ୍କୁ ଅବଗତ କରାଇବା ସହିତ ଏହାର ବହୁ ଗୁରତ୍ୱପୂର୍ଣ୍ଣ ଦିଗ ସମ୍ପର୍କରେ ସଚେତନ କରାଇଥିଲେ । ଏଚ୍‌ଆଇଭି/ଏଡ଼୍‌ସ୍‌ ସଚେତନତା କାର୍ଯ୍ୟକ୍ରମ ଅବସରରେ ଅନୁଷ୍ଠିତ ହୋଇଥିବା ବକ୍ତୃତା, ପ୍ରବନ୍ଧ, ଚିତ୍ରାଙ୍କନ ଏବଂ ସାଧାରଣଜ୍ଞାନ ପ୍ରତିଯୋଗିତାରେ କୃତି ପ୍ରତିଯୋଗୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଅଧ୍ୟାପକ ନୀଳେଶ କୁମାର ପାରେଖ ଧନ୍ୟବାଦ ଅର୍ପଣ କରିଥିଲେ । ଅଧ୍ୟାପକ ଅକ୍ଷୟ କୁମାର ପ୍ରଧାନ, ନରୋତ୍ତମ ପଣ୍ଡା, ବବିତା ଦାଶ, ସଲ୍‌ମନ୍ ଖାନ, ହେମନ୍ତ ପ୍ରଧାନ, ସୁନୀତା ଦାସ, ମୁରଲୀ ଧର ମେହେର, ଯୁଗଳ କିଶୋର ବେହେରା, ହେମନ୍ତ ପ୍ରଧାନ, ସାଗର କୁମାର ରଥ ଏବଂ ଅଣଶିକ୍ଷକ କର୍ମଚାରୀ, ସୁଧାଂଶୁ ଶେଖର ପୁଟେଲ୍‌, ରିଖିରାମ ପୁଟେଲ୍‌, ମୁରଲୀଧର ପୁଟେଲ୍‌ ପ୍ରମୁଖ ସହଯୋଗ କରିଥିଲେ ।

Leave A Reply

Your email address will not be published.