ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ସୁରସଙ୍ଗମ ସାଂସ୍କୃତିକ ସଂସଦ ଆନୁକୂଲ୍ୟରେ ସ୍ଥାନୀୟ ବ୍ଲକ ସଭାଗୃହ ଠାରେ ଗୁରୁ ଭଗବାନ ସାହୁଙ୍କ ୨୫ତମ ଶ୍ରାଦ୍ଧ ବାର୍ଷିକୀ ପାଳିତ ହୋଇଯାଇଛି । ସମ୍ପାଦକ ସରୋଜ ମହାକୁର ଅତିଥି ପରିଚୟ ପ୍ରଦାନ କରିଥିଲେ । ନାଟ୍ୟ ନିର୍ଦ୍ଦେଶକ ନିସାର ଅହମଦ ନିସାର ପ୍ରାରମ୍ଭିକ ସଙ୍ଗୀତ ପରିବେଷଣ କରିଥିବା ବେଳେ ଦେବେନ୍ଦ୍ର ମିସ୍ତ୍ରୀ କାର୍ଯ୍ୟକ୍ରମ ସଂଯୋଜନା କରିଥିଲେ । ପଶ୍ଚିମ ଓଡ଼ିଶାର ଭାଷା, କଳା ଓ ସଂସ୍କୃତିର ପ୍ରଚାରକ ତଥା ଗୋଟିଏ ଦିନରେ ନୂଆଁଖାଇ ପାଳନ ପଛର ମହାନାୟକ ସମାଜସେବୀ ଗୁରୁ ଭଗବାନ ସାହୁଙ୍କ ୨୫ତମ ଶ୍ରାଦ୍ଧବାର୍ଷିକୀ ଅବସରରେ ମୁଖ୍ୟ ଅତିଥି ଭାବେ ବରିଷ୍ଠ କବି ସାହିତ୍ୟିକ ନିରଞ୍ଜନ ପଣ୍ଡା, ମୁଖ୍ୟବକ୍ତା ଭାବେ ଡ. ବାସନ୍ତୀ ମଞ୍ଜରୀ ହନୁମାନ ଏବଂ ସମ୍ମାନିତ ଅତିଥି ଭାବେ ସମାଜସେବୀ ଧର୍ମ ସିଂ ମିଶ୍ର, ସଂଯୁକ୍ତା ମିଶ୍ର ପ୍ରମୁଖ ଯୋଗଦେଇ ସ୍ୱର୍ଗତ ସାହୁଙ୍କ ସ୍ମୃତି ଚାରଣ କରିବା ସହିତ ଶାସ୍ତ୍ରୀୟ ଶବ୍ଦ ନୃତ୍ୟକୁ ଲୋକନୃତ୍ୟ ଭାବେ ଦାନ କରିଥିବା ଏବଂ ଲୋକନୃତ୍ୟ ଭାବରେ ସରକାରୀ ସ୍ଵୀକୃତି ପ୍ରଦାନ କରିଥିବା ଷଡ଼ଯନ୍ତ୍ରକୁ ନିନ୍ଦା କରାଯିବା ସହ ସବୁ ଜିଲ୍ଲାରେ ଏହା ଉପରେ ଆଲୋଚନା ପାଇଁ ଆହ୍ୱାନ କରିଥିଲେ । ବିରେନ ବେହେରା, ଶକ୍ତି ବିଶି, କ୍ରିଷ୍ଣା କଲେତ, ତପସ୍ୟା ନାୟକ, ଗୀତା ଭୋଇ, ସତ୍ୟ ଦାସ ପ୍ରମୁଖ ସ୍ଵକୀୟ ମତାମତ ଉପସ୍ଥାପନ କରିଥିଲେ । ସଂଯୁକ୍ତା ମିଶ୍ର ଧନ୍ୟବାଦ ଅର୍ପଣ କରିଥିଲେ ।