ବାରିପଦା, (ଦେବସ୍ମିତ ଚୌଧୁରୀ) : ସେପ୍ଟେମ୍ବର ମାସ ୨୨ରୁ ୨୪ ତାରିଖ ମଧ୍ୟରେ କନିଷ୍ଠ ପୂର୍ବାଞ୍ଚଳ ଖେଳକୁଦ ଖେଳକୁଦ ଚାମ୍ପିୟାନସିପ ପାଇଁ କଟକରେ ୬ ଓ ୭ ତାରିଖରେ କନିଷ୍ଠ ବର୍ଗ ଓଡିଶା ଦଳ ପାଇଁ ଚୟନ ପ୍ରକ୍ରିୟା ଅନୁଷ୍ଠିତ ହେବ । ଏହି ଅବସରରେ ମୟୁରଭଞ୍ଜ ଏଥଲେଟିକ ଏସୋସିଏସନ ଆନୁକୂଲ୍ୟରେ ସେପ୍ଟେମ୍ବର ୩ ଓ ୪ ତାରିଖ ଦିନ ବାରିପଦା ଷ୍ଟାଡିୟମରେ ଜିଲ୍ଲା ପାଇଁ ଖେଳାଳି ଚୟନ ପ୍ରକ୍ରିୟା ଅନୁଷ୍ଠିତ ହେବ ବୋଲି ସାଧାରଣ ସମ୍ପାଦକ ବିଜୟ କୁମାର ଦାସ ଜଣାଇଛନ୍ତି । ଏହି ଚୟନ ପ୍ରକ୍ରିୟାରେ ୧୪, ୧୬, ୧୮ ଓ ୨୦ ବର୍ଷରୁ କମ ଉଭୟ ବାଳକ ଓ ବାଳିକା ମାନେ ଅଂଶଗ୍ରହଣ କରିପାରିବେ । ଇଚ୍ଛୁକ ଖେଳାଳିମାନେ ନିଜନିଜର ଡିଜିଟାଲ ଜନ୍ମ ପ୍ରମାଣପତ୍ର, ଆଧାର କାର୍ଡ ଓ ଗୋଟିଏ ପାସପୋର୍ଟ ଫଟୋ ଦାଖଲ କରି ସେପ୍ଟେମ୍ବର ୩ ତାରିଖ ପୂର୍ବାହ୍ନ ସୁଦ୍ଧା ବାରିପଦା ଷ୍ଟାଡିୟମ ଅଫିସରେ ନାମ ପଞ୍ଜିକରଣ କରିପାରିବେ ବୋଲି ଏଥଲେଟିକ ସମ୍ପାଦକ ଅମ୍ବିକା ରାଉତଙ୍କ ସୂତ୍ରରୁ ପ୍ରକାଶ । ବିଶେଷ ବିବରଣୀ ଜାଣିବା ପାଇଁ ୯୪୩୮୭୮୮୦୮୮/୯୪୩୭୧୦୪୦୭୨ରେ ଯୋଗାଯୋଗ କରିବାକୁ ସାଧାରଣ ସମ୍ପାଦକ ଶ୍ରୀ ଦାସ ଅନୁରୋଧ କରିଛନ୍ତି ।