ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଯୁବନେତା ପ୍ରମୋଦ ମେହେର ନୂତନ ଭାବେ ଭାରତୀୟ ଜନତା ପାର୍ଟିର ପଦ୍ମପୁର ନଗର ସଭାପତି ମନୋନୀତ ହୋଇଛନ୍ତି । ଏହି ପରିପ୍ରେକ୍ଷୀରେ ଆଜି ବରଗଡ଼ ସାଂସଦ ପ୍ରଦୀପ କୁମାର ପୁରୋହିତଙ୍କ ପାଇକମାଲ ସ୍ଥିତ ବାସଭବନରେ ଶ୍ରୀ ମେହେରଙ୍କୁ ସାଂସଦଙ୍କ ଉପସ୍ଥିତିରେ ଶୁଭେଚ୍ଛା ସହ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ପ୍ରମୋଦ ପଦ୍ମପୁର ନଗର ସଭାପତି ମନୋନୀତ ହୋଇଥିବାରୁ ତାଙ୍କୁ ଅନେକ ଅନେକ ଶୁଭେଚ୍ଛା ଜଣାଉଛି । ତାଙ୍କ ନେତୃତ୍ଵରେ ଆମ ଦଳ ର ସଂଗଠନ ଆହୁରି ଶକ୍ତିଶାଳୀ ହେବ ବୋଲି ମୋର ଦୃଢ଼ ଆଶା ଓ ବିଶ୍ୱାସ କରାଯାଉଥିବା ବେଳେ ଶ୍ରୀ ମେହେର ସମସ୍ତ ସହଯୋଗ କାମନା କରିଥିଲେ । ଏହି ସ୍ୱାଗତ ସମ୍ବର୍ଦ୍ଧନା କାର୍ଯ୍ୟକ୍ରମରେ ଶ୍ରୀକାନ୍ତ ମିଶ୍ର, ସୌମ୍ୟଜିତ ପାଢୀ, କୈଳାଶ ଦିଶ୍ରୀ, ସତ୍ୟନାରାୟଣ ବେହେରା, ଦିବ୍ୟ ହଂସ, ରାଜେନ୍ଦ୍ର ସେଠ, ପ୍ରତାପ ତାଣ୍ଡି ପ୍ରମୁଖ ସହ ଅନ୍ୟମାନେ ଉପସ୍ଥିତ ଥିଲେ ।
