ବଲାଙ୍ଗିର, (କେପିଏନ୍ଏସ୍) : ଦିନ ୩ଟା ସମୟରେ ଜନ କଲ୍ୟାଣ ଯୁବକ ସଂଘ କାଲସାଏ ପାଲି ତରଫରୁ ଖୁଜେନ ପାଲି ଖେଳ ପଡିଆଠାରେ ନୂଆଁଖାଇ ଉପଲକ୍ଷେ କାଲସାଏ ପାଲିର ବିବାହିତ ଓ ଅବିବାହିତଙ୍କ ମଧ୍ୟରେ ଏକ ମ୍ୟାଚ ଖେଳିଥିଲେ । ସବୁ ବର୍ଷ ପରି ଏଥର ମଧ୍ୟ କାଲସାଏ ପାଲି ଗ୍ରାମବାସୀ ନୂଆଁଖାଇ ସାରିଲା ପରେ ଯୁବ ଗୋଷ୍ଠୀ ମଧ୍ୟରେ ଭାଇଚାରା କେମିତି ବଜାୟ ରହିବ ସେଥିପାଇଁ ବିବାହିତ ଓ ଅବିବାହିତ ମଧ୍ୟରେ ଏକ ମ୍ୟାଚ ଅନୁଷ୍ଠିତ ହେଇଥିଲା । ଏଥିରେ ଟ୍ରାଇବରେକର ଜରିଆରେ ଅବିବାହିତ ଦଳ ୦-୧ ରେ ବିଜୟ ଲାଭ କରିଥିଲେ । ଖେଳକୁ ଗୋପିନାଥ କାଲସାଏ ପରିଚାଳନା କରିଥିଲେ । ମୂଖ୍ୟ ଅତିଥି ଭାବେ ଯୁବ ସଂଗଠକ ବିନୋଦ କାଲସାଏ, ସମ୍ମାନିତ ଅତିଥି ଭାବେ ପୂର୍ବତନ ୱାଡ ମେମ୍ବର ଦେବରାଜ କାଲସାଏ, ମହାଦେବ କାଲସାଏ ଯୋଗଦେଇ ଖେଲାଲିମାନଙ୍କୁ ଉତ୍ସାହିତ କରିଥିଲେ । କାଲସାଏ ପାଲିର ସମସ୍ତ ଗ୍ରାମ ବାସୀ ଉପସ୍ଥିତ ରହି ଖେଳକୁ ଉପଭୋଗ କରିବା ସହିତ ସହଯୋଗ କରିଥିଲେ ।
