ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ସମୁଦ୍ରକୂଳ ପୋଡମପେଟ୍ଟାରେ ମାଛ ଧରାଳି ମାନେ ସମୂଦ୍ର ମଧ୍ୟକୁ ମାଛ ମାରିବାକୁ ଯାଉଥିବା ବେଳେ ଡଙ୍ଗା ଓଲଟି ପଡିଥିଲା । ୭ଜଣଙ୍କ ମଧ୍ୟରୁ ଜଣେ ନିଖୋଜ ହୋଇଯାଇଥିଲେ । ନିଖୋଜ ବ୍ୟକ୍ତି ଅଗସ୍ତି ନୂଆଗାଁ ପଞ୍ଚାୟତର ସାନ-ନୋଳିଆନୂଆଗାଁ ସ୍ଥିତ ରାଜାମ୍ମା ସାହିର ଏ. ଜେଙ୍ଗାଲିଙ୍କ ପୁତ୍ର ଏଙ୍ଗ.କାଳେୟା (୪୯ ବର୍ଷ ) ବୋଲି ଜଣାଯାଇଛି । ଘଟଣାସ୍ଥଳ ପରିଦର୍ଶନରେ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ ପହଞ୍ଚିଥିଲେ । ବିଧାୟକ ପ୍ରଶାସନ ସହ ଆଲୋଚନା କରିଥିଲେ । ଓଡ୍ରାଫ୍ଟ ଟିମ୍ ଦୀର୍ଘ ଘଣ୍ଟା ଧରି ସମୁଦ୍ର ଜଳରେ ଖୋଜି ନିଖୋଜ ବ୍ୟକ୍ତିର ଶବ ଉଦ୍ଧାର କରିଛନ୍ତି । ପ୍ରାଥମିକ ପର୍ଯ୍ୟାୟରେ ମୃତକଙ୍କ ପରିବାର ବର୍ଗଙ୍କୁ କ୍ଷତିପୂରଣ ବାବଦରେ ରେଡକ୍ରସ ୩୦ ହଜାର ଟଙ୍କା ସହାୟତା ପ୍ରଦାନ କରାଯାଇଛି ।
