ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ବ୍ଲକ ଅନ୍ତର୍ଗତ କେରାଣ୍ଡିତୋଳା ନାରାୟଣପୁର ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ବରିଷ୍ଠ ଶିକ୍ଷକ ସୁରେଶ ଚନ୍ଦ୍ର ସାହୁଙ୍କ ଅବସରକାଳୀନ ବିଦାୟ ସମ୍ବର୍ଦ୍ଧନା ବର୍ଣ୍ଣାଢ଼୍ୟ ସମାରୋହରେ ସମ୍ପନ୍ନ ହୋଇଯାଇଛି । ଗ୍ରାମର ଅବସରପ୍ରାପ୍ତ ଶିକ୍ଷକ କୋରା ମହାରଣାଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଟାଙ୍ଗଣାପଲ୍ଲୀ ପଞ୍ଚାୟତ ସରପଞ୍ଚ ବି.ସୁଦାମ ମୁଖ୍ୟ ଅତିଥି ରୂପେ ସମ୍ମାନିତ ଅତିଥି ରୂପେ ଛତ୍ରପୁର ସହକାରୀ ଗୋଷ୍ଠୀ ଅଧିକାରିଣୀ ନମିତା ରାଉତ ଯୋଗଦେଇ ବିଦାୟୀ ଶିକ୍ଷକ ସୁରେଶ ଚନ୍ଦ୍ର ସାହୁଙ୍କ ଶିକ୍ଷାଦାନ, ସମୟାନୁବର୍ତ୍ତିତା, ଛାତ୍ର ବତ୍ସଳତା ଏବଂ ବିଦ୍ୟାଳୟ ପ୍ରତି ତାଙ୍କର ସହଭାଗିତା ଉପରେ ଆଲୋକପାତ କରି ତାଙ୍କର ଅବସରକାଳୀନ ଜୀବନ ସୁଖମୟ ଓ ଶାନ୍ତିମୟ ହେଉ ବୋଲି କାମନା କରିଥିଲେ । ଗ୍ରାମର ରାଜ୍ୟପାଳ ପୁରସ୍କାରପ୍ରାପ୍ତ ସେବାନିବୃତ୍ତ ପ୍ରଧାନଶିକ୍ଷକ କାମରାଜୁ ମହାରଣା ମୁଖ୍ୟ ବକ୍ତା ରୂପେ ଯୋଗଦେଇ ସୁରେଶ ଚନ୍ଦ୍ର ସାହୁଙ୍କ ଛାତ୍ର ଛାତ୍ରୀଙ୍କ ସର୍ବାଙ୍ଗୀନ ଉନ୍ନତିରେ ଉଦ୍ୟମ, କର୍ତ୍ତବ୍ୟନିଷ୍ଠତା, ଶିକ୍ଷାଦାନରେ ପ୍ରତି ଆତ୍ମୀୟତା ଉପରେ ଆଲୋକପାତ କରିଥିଲେ । ଅନ୍ୟମାନଙ୍କ ମାନଙ୍କ ମଧ୍ୟରେ ଅବସରପ୍ରାପ୍ତ ଶିକ୍ଷକ ପ୍ରକାଶ ଚନ୍ଦ୍ର ପାଣିଗ୍ରାହୀ, ବରିଷ୍ଠ ନାଗରିକ ମଞ୍ଚର ସଭାପତି ନରହରି ପ୍ରଧାନ, ସମିତି ସଭ୍ୟା ମିନାକୁମାରୀ ସାହୁଙ୍କ ସମେତ ବିଦ୍ୟାଳୟର ପ୍ରଧାନ ଶିକ୍ଷୟତ୍ରି ମଧୂମିତା ମହାନ୍ତି, ସିଆରସି ଗିରୀଶ ଚନ୍ଦ୍ର ମହାନ୍ତି, ଶିକ୍ଷକ ସୁଦାମ ଷଣ୍ଢ, ସୁମିତ୍ରା ପରିଡା, ଜଗନ୍ନାଥପୁର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସ୍ନେହଲତା ସାହୁ, ଜି.ମାଳତୀ ପ୍ରମୁଖ ଉପସ୍ଥିତ ରହି ବକ୍ତବ୍ୟ ରଖିଥିଲେ । ବିଦାୟୀ ଶିକ୍ଷକଙ୍କୁ ବିଦ୍ୟାଳୟର ଶିକ୍ଷକ, ଛାତ୍ର ଛାତ୍ରୀଙ୍କ ତରଫରୁ, ପଞ୍ଚାୟତ ତରଫରୁ, ପରିଚାଳନା କମିଟି, ପୁରାତନ ଛାତ୍ର ଛାତ୍ରୀଙ୍କ ତରଫରୁ ଏବଂ ଗ୍ରାମର ବିଭିନ୍ନ ଅନୁଷ୍ଠାନ ତରଫରୁ ଉପଢୌକନ, ମାନପତ୍ର ଏବଂ ବିଭିନ୍ନ ଉପହାର ପ୍ରଦାନ କରାଯାଇ ଉଛସ୍ୱିତ ସମ୍ବର୍ଦ୍ଧିତ କରାଯାଇଥିଲା । ଏହି ଉତ୍ସବକୁ ବିଦ୍ୟାଳୟର ଶିକ୍ଷକ ସୁନିଲ କୁମାର ଶତପଥି ସଂଯୋଜନା କରିଥିବା ବେଳେ ଗ୍ରାମ ସଭାପତି ଅମରେଶ୍ପ୍ରଧାନ, ବିଦ୍ୟାଳୟର ସଭାପତି ଶିବ ପାଣିଗ୍ରାହୀ, କାଶିନାଥ ପ୍ରଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ସମ୍ବର୍ଦ୍ଧନା ଉତ୍ତରରେ ବିଦାୟୀ ଶିକ୍ଷକ ସାହୁ ବିଦ୍ୟାଳୟରେ ତାଙ୍କର ସହଭାଗିତା, ପରିଚାଳନା କମିଟିର, ପଞ୍ଚାୟତର ସହଯୋଗକୁ ସ୍ମରଣ କରି ସମସ୍ତଙ୍କୁ ଧନ୍ୟବାଦ ଜଣାଇ ଥିଲେ ।
