ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବିନ୍ଧ୍ୟବାସିନୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଗ୍ରନ୍ଥାଗାରିକ ପ୍ରଶାନ୍ତ କୁମାର ସାହୁଙ୍କ ବିଦାୟ କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ଅଧ୍ୟକ୍ଷ ଶ୍ୟାମଲାଲ ପ୍ରଧାନ ସଭାର ସଭାପତିତ୍ୱ କରିଥିଲେ । ଆଡଭୋକେଟ ତଥା ପଦ୍ମପୁର ବାର୍ ଆସୋସିଏସନ୍ ପ୍ରେସିଡେଣ୍ଟ ରାମରତନ ପୁରୋହିତ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ସମ୍ମାନିତ ଅତିଥି ଭାବରେ ଡୋଳାମଣି ମାହାର, ପ୍ରାକ୍ତନ ଅଧ୍ୟକ୍ଷ ବିନ୍ଧ୍ୟବାସିନୀ ଉଚ୍ଚ ମାଧ୍ୟମିକ ବିଦ୍ୟାଳୟ ତଥା ଅବସର ପ୍ରାପ୍ତ ଶିକ୍ଷକ, ଇତିହାସ ବିଭାଗର ଅବସର ପ୍ରାପ୍ତ ଅଧ୍ୟାପକ ମୀନକେତନ ବେହେରା, ଡ଼. ଅଜିତ ବାରିକ ଯୋଗ ଦେଇଥିଲେ । ଶ୍ରୀ ସାହୁ ଦୀର୍ଘ ତେତିଶ ବର୍ଷ ଅନୁଷ୍ଠାନ ସହିତ ଜଡିତ ଥିଲେ । ଏକାଧାରରେ ସେ ଜଣେ ଆଦର୍ଶ, କର୍ତ୍ତବ୍ୟନିଷ୍ଠ, ସାଧୁ ସରଳ, ସହନଶୀଳ, ସତ୍ୟାନୁରାଗି, ସମୟାନୁବର୍ତ୍ତୀ ଓ ମିଷ୍ଠଭାଷୀ ବ୍ୟକ୍ତି ଅଟନ୍ତି । ସଙ୍ଗୀତ ପ୍ରତି ତାଙ୍କର ରୁଚି ରହିଛି । ଅନେକ ସମାଜସେବୀ ଅନୁଷ୍ଠାନ ସହିତ ଜଡିତ ରହି ସମାଜ ସେବାରେ ନିଜକୁ ନିଯୋଜିତ କରିଛନ୍ତି । ଏହି ଉତ୍ସବରେ ସମସ୍ତ ଅଧ୍ୟାପକ ଅଧ୍ୟାପିକା କର୍ମଚାରୀ ଓ ଛାତ୍ରଛାତ୍ରୀ ଉପସ୍ଥିତ ଥିଲେ ।
