ବାଲିଗୁଡ଼ା, (ସୁରେନ୍ଦ୍ର କୁମାର ପାଣିଗ୍ରାହୀ) : କନ୍ଧମାଳ ଜିଲ୍ଲା ବାଲିଗୁଡା ସ୍ଥିତ ଉପଖଣ୍ଡ ଚିକିତ୍ସାଳୟରେ ବିଶ୍ୱ ରକ୍ତଦାତା ଦିବସ ଓ ଭେଷଜ ପ୍ରୟୋଗଶାଳା ପ୍ରାଯୁକ୍ତିକ ବଳରାମ ଗୌଡ଼ଙ୍କ ଅବସର କାଳୀନ ସୃତି ଉଦ୍ଦେଶ୍ୟରେ ଏକ ସ୍ୱେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ସ୍ଥାନୀୟ ବିଡ଼ିଓ ଅକ୍ଷୟ କୁମାର ମଲ୍ଲିକ ମୁଖ୍ୟ ଅତିଥି ଭାବେ ଯୋଗଦେଇ ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିବା ସହ ପ୍ରଥମେ ନିଜେ ରକ୍ତଦାନ କରିବା ପରେ ପରେ ସହରର ବହୁ ସଂଖ୍ୟାରେ ଯୁବକ ଯୁବତୀମାନେ ଯୋଗଦେଇ ସ୍ୱେଛାକୃତ ଭାବେ ୪୭ ୟୁନିଟ ରକ୍ତ ସଂଗୃହିତ ହୋଇ ପାରିଥିଲା । ଏହି ଅବସରରେ ବାଲିଗୁଡ଼ାର ବିପଦର ବନ୍ଧୁ ସଙ୍ଗଠନର କୈଳାଶ ଚନ୍ଦ୍ର ଆରୁଖ ଏବଂ ଜି.ସିମାଞ୍ଚଳ ରେଡ୍ଡୀ ଏହି ଦୁଇ ସଦସ୍ୟ ଅନେକ ଥର ରକ୍ତ ଅଭାବ ହେଉଥିବା ଏବଂ ରକ୍ତ ଦାନ ସଂଗ୍ରହ କେନ୍ଦ୍ର ଗୁଡିକରେ ରକ୍ତଦାନ କରି ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଥିବାରୁ ଉପଖଣ୍ଡ ଚିକିତ୍ସାଳୟ ପକ୍ଷରୁ ସମ୍ମାନୀତ କରାଯାଇଥିଲା । ରକ୍ତଦାନ ମହତ ଦାନ ଆମ ଦ୍ୱାରା ଯଦି ଜଣଙ୍କ ଜୀବନ ବଞ୍ଚି ପାରୁଛି ତେବେ ଆମକୁ ଏହି ମହତ କାର୍ଯ୍ୟ କରିବାକୁ ପଛ ଘୁଞ୍ଚା ଦେବୁନାହିଁ ବୋଲି ବିଡ଼ିଓ ଏବଂ ସମ୍ମାନିତ ଦୁଇ ରକ୍ତଦାତା ନିଜ ବକ୍ତବ୍ୟରେ ପ୍ରକାଶ କରିଛନ୍ତି ।
