ଟିଟିଲାଗଡ଼, (ସଞ୍ଜୟ କୁମାର ନାୟକ) : ସହରର ଚାହାରଭଟା ଠାରେ ସ୍ଥିତ ଅଗ୍ରଣୀ ଶିକ୍ଷାନୁଷ୍ଠାନ ଓମ୍ ଭ୍ୟାଲି ସ୍କୁଲରେ ୭୬ତମ ସାଧାରଣତନ୍ତ୍ର ଦିବସ ଅତି ଆଡ଼ମ୍ବର ସହକାରେ ପାଳିତ ହୋଇଯାଇଛି । ଏହି ସମାରୋହରେ ମୁଖ୍ୟ ଅତିଥି ଭାବେ ପୂର୍ବତନ ଜିଲ୍ଲା ଦୌରାଜଜ୍ (ପ୍ରଥମ ଟ୍ରାକ) ରାଧାକାନ୍ତ ପାଢ଼ୀ, ପରିଚାଳନା କମିଟି ସଦସ୍ୟ ବରିଷ୍ଠ ଆଇନଜୀବୀ ପ୍ରଦୀପ ମହାନ୍ତି, ଅନୁଷ୍ଠାନର ଅଧ୍ୟକ୍ଷ ମହେଶ୍ୱରପ୍ରସାଦ ମିଶ୍ର, ମୁଖ୍ୟ ପରାମର୍ଶଦାତା ଡ. ରବିନଚନ୍ଦ୍ର ପରମାଣିକ ଉପସ୍ଥିତ ଥିଲେ । ମୁଖ୍ୟଅତିଥି ପତାକା ଉତ୍ତୋଳନ କରି ସାଧାରଣତନ୍ତ୍ର ଦିବସ ପାଳନ ଉପଲକ୍ଷେ, ସମ୍ବିଧାନ ନିର୍ମାତା ଡ. ଆମ୍ବେଦକରଙ୍କ ବିଷୟରେ ଓ ସମାନତା ଅଧିକାରର ଅଭିଭାଷଣ ରଖିଥିଲେ । ଶିକ୍ଷାନୁଷ୍ଠାନର ଛାତ୍ରଛାତ୍ରୀମାନେ ପେରେଡ୍ ଓ ରଙ୍ଗାରଙ୍ଗ କ୍ରାର୍ଯ୍ୟକ୍ରମ ପରିବେଷଣ କରି ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲେ । ସାଧାରଣତନ୍ତ୍ର ଦିବସ ଉପଲକ୍ଷେ ଉପଖଣ୍ଡସ୍ତରୀୟ ବିଭିନ୍ନ ପ୍ରତିଯୋଗିତାରେ ବିଭିନ୍ନ ବିଭାଗରେ ଅନୁଷ୍ଠାନରପ୍ରାୟ ୨୮ଜଣ ଛାତ୍ରଛାତ୍ରୀ କୃତିତ୍ଵ ହାସଲ କରିଛନ୍ତି । ଏହି କୃତି ଛାତ୍ରଛାତ୍ରୀମାନଙ୍କୁ ଉପଜିଲ୍ଲାପାଳ ଉପଖଣ୍ଡ ଟିଟିଲାଗଡ଼ ରେହାନ କ୍ଷେତ୍ରି ପୁରସ୍କୃତ କରିଛନ୍ତିି । ପରିଶେଷରେ ଛାତ୍ରଛାତ୍ରୀ ମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା ।