ଆଗଲପୁର, (କେପିଏନ୍ଏସ୍) : ଆଗଲପୁର ବ୍ଲକ ରୋତ୍ ମହାବିଦ୍ୟାଳୟ ଠାରେ ଏନ୍ଏସ୍ଏସ୍ କୋ – ୟୁନିଟ୍ ତରଫରୁ ସଡ଼କ ସୁରକ୍ଷା ସପ୍ତାହ – ୨୦୨୫ କାର୍ଯ୍ୟକ୍ରମ ଆରମ୍ଭ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ଷଡଙ୍ଗୀ କାର୍ଯ୍ୟକ୍ରମଟିକୁ ‘ସଡ଼କ ସୁରକ୍ଷା ଜୀବନ ରକ୍ଷା’ ନାରା ଦେଇ ଶୁଭାରମ୍ଭ କରିଥିଲେ । ଏନ୍ଏସ୍ଏସ୍ ସ୍ୱେଚ୍ଛାସେବୀ ସତ୍ୟବାନ୍, ବୀରେନ୍ଦ୍ର ଓ ଭଜକୁମାର ଯଥାକ୍ରମେ ଯମ, ଚିତ୍ରଗୁପ୍ତ ଓ ଦୂତଙ୍କ ଅଭିନୟ କରି ଲୋକଙ୍କୁ ଓ ରାସ୍ତାରେ ଯାଉଥିବା ଗାଡ଼ି ଚାଳକମାନଙ୍କୁ ସଚେତନ କରି ସଡ଼କ ସୁରକ୍ଷା ଆଇନ ବିଷୟରେ ଅବଗତ କରିଥିଲେ । ଏଥି ସହିତ କଲେଜର ଅନ୍ୟ କର୍ମଚାରୀମାନେ ମଧ୍ୟ ଲୋକମାନଙ୍କୁ ସଚେତନ କରିଥିଲେ । ଏନ୍ଏସ୍ଏସ ଅଧିକାରୀ ଦଇତାରୀ ଶବର କାର୍ଯ୍ୟକ୍ରମ ସମ୍ପୂର୍ଣ୍ଣ କରିଥିବା ବେଳେ କଲେଜର ଅନ୍ୟ କର୍ମଚାରୀମାନେ ସହଯୋଗ କରିଥିଲେ ।