ଟିଟିଲାଗଡ଼, (ସଞ୍ଜୟ କୁମାର ନାୟକ) : ଟିଟିଲାଗଡ଼ ଆଥ୍ଲେଟିକ ଆସୋସିଏସନ ତରଫରୁ ସାଧାରଣତନ୍ତ୍ର ଦିବସ ୨୦୨୫ ଉପଲକ୍ଷେ ଜାନୁଆରୀ ୨୨ ତାରିଖରେ ମାରାଥନ ଦୌଡ ପ୍ରତିଯୋଗିତା ଆୟୋଜନ ହେବ ବୋଲି ସଭାପତି ରାଧାକାନ୍ତ ପାଢ଼ୀ ଓ ସମ୍ପାଦକ ଶୁଭ୍ରାଂଶୁ ଦାସ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସୋମବାର ସନ୍ଧ୍ୟାରେ ସ୍ଥାନୀୟ ୟସ ହୋଟେଲ ସମ୍ମିଳନୀ କକ୍ଷରେ ଟିଟିଲାଗଡ଼ ଆଥ୍ଲେଟିକ୍ ଆସୋସିଏସନ୍ ତରଫରୁ ଆୟୋଜିତ ସାମ୍ବାଦିକ ସମ୍ମିଳନୀରେ ମାରାଥନ ଦୌଡ ପ୍ରତିଯୋଗିତା ବିଷୟରେ ସୂଚନା ଦିଆଯାଇଛି । ମହିଳା ମାନେ ଯେଉଁଥିରେ ପିପଲପଦର ଠାରୁ ଟିଟିଲାଗଡ଼ ବାଳକ ଉଚ୍ଚ ବିଦ୍ୟାଳୟ ଖେଳ ପଡିଆ ଯାଏଁ ଦୌଡିବେ ଓ ପୁରୁଷ ବର୍ଗରେ ବାଞ୍ଜିଝାଲ ଠାରୁ ବାଳକ ଉଚ୍ଚ ବିଦ୍ୟାଳୟ ଖେଳ ପଡିଆ ଯାଏଁ ଦୌଡ଼ିବା ନେଇ ସୂଚନା ଦେବା ସହ ଇଚ୍ଛୁକ ଖେଳାଳି ମାନେ ଅଂଶ ଗ୍ରହଣ କରିବା ପାଇଁ ପଞ୍ଜୀକରଣ କରିବାକୁ କହିଥିଲେ । ଏହି ସାମ୍ବାଦିକ ସମ୍ମିଳନୀରେ ଆସୋସିଏସନ୍ର ପଦ୍ମନାଭ ବେହେରା, ସନ୍ତୋଷ ପ୍ରଧାନ, ଦୀପକ ସମାଦ୍ଦାର, ଦନାର୍ଦନ ହୋତା ପ୍ରମୁଖ ଉପସ୍ଥିତ ଥିଲେ ।