ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ କୁର୍ଲୁବାହାଲ ହାଇସ୍କୁଲଠାରେ ସଡ଼କ ସୁରକ୍ଷା ସପ୍ତାହ ପାଳନ କରାଯାଇଛି । ହାଇସ୍କୁଲ ଖେଳ ଶିକ୍ଷକ ତଥା ସ୍କାଉଟ ଶିକ୍ଷକ ବିନୋଦ ମହାପାତ୍ରଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ମଧୁସୂଦନ ସ୍କାଉଟ ଟ୍ରୁପ, ସ୍କୁଲର ସମସ୍ତ ଛାତ୍ରଛାତ୍ରୀ ଓ ଶିକ୍ଷକମାନେ କଣ୍ଟାବାଞ୍ଜି – ଗୁଡିଘାଟ ରାଜ୍ୟ ରାଜପଥକୁ ଯାଇ ଗାଡି ଚାଳକମାନଙ୍କୁ ଅଟକାଇ ସଡକ ସୁରକ୍ଷା ସମ୍ୱନ୍ଧରେ ସଚେତନତା କରିଥିଲେ । ଏଥିରେ ହାଇସ୍କୁଲ ପ୍ରଧାନଶିକ୍ଷକ ରଘୁନାଥ ଗିରି, ଶିକ୍ଷକ ଅନାର୍ଯ୍ୟ ସୁନା, କ୍ଷମାନିଧି ପୁଟେଲ, ଚକ୍ରଧର ସାହୁ, ନରେନ୍ଦ୍ର ମେହେର ପ୍ରମୁଖଙ୍କ ସହ ଛାତ୍ରଛାତ୍ରୀ ଉପସ୍ଥିତ ରହି ବିଭିନ୍ନ ପ୍ଲାକାର୍ଡ ଧରି ଗାଡ଼ି ଚାଳକଙ୍କୁ ସଚେତନ କରିଥିଲେ ।