ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ପଞ୍ଚାୟତ ସମିତି ଡ଼ିଗ୍ରୀ କଲେଜରେ ଅଷ୍ଟାଦଶ ପ୍ରବାସୀ ଭାରତୀୟ ଦିବସ ମହାସମାରୋହରେ ପାଳିତ ହୋଇଯାଇଛି । ଅଧ୍ୟକ୍ଷ ସରୋଜ କୁମାର ନାୟକଙ୍କ ସଭାପତିତ୍ୱରେ ଦୁଇଦିନ ଧରି ଏହା ପାଳିତ ହୋଇଯାଇଛି । ଏହି ସମାରୋହ ଉପଲକ୍ଷେ ରଚନା ଓ ବକ୍ତୃତା ପ୍ରତିଯୋଗିତା ହୋଇ ଅତିଥିମାନଙ୍କ ଦ୍ୱାରା ପୁରସ୍କାର ବିତରଣ ହୋଇଥିଲା । ଏଥିରେ ମୁଖ୍ୟ ଅତିଥି ଥିଲେ ଅଧ୍ୟାପକ ଗୁଣସାଗର ମେହେର ସମ୍ମାନିତ ଅତିଥି ଥିଲେ ଅଧ୍ୟାପକ ସୋମେଶ ଦତ୍ତ ହୋତା ଓ ସାଂକୃତିକ ବିଭାଗୀୟ ମୁଖ୍ୟ ଭ୍ରିଙ୍ଗରାଜ ରଣା । ଅତିଥି ମାନଙ୍କଦ୍ୱାରା ପ୍ରବାସୀ ଭାରତୀୟ ଓ ପ୍ରବାସୀଭାରତୀୟ ବଂଶୋଦ୍ଭବ ମାନଙ୍କ ଗର୍ବ ଓ ଗୌରବର ଗାଥାର କଥାକୁ ବିଷଦ ଭାବରେ ଆଲୋଚନା ହୋଇଥିଲା । ଛାତ୍ରଛାତ୍ରୀଙ୍କ ଦ୍ଵାରା ସଚେତନତା ପଦଯାତ୍ରା ଅନୁଷ୍ଠିତ ହୋଇଥିଲା । ସହଯୋଗରେ ଅଧ୍ୟାପକ ପୂର୍ଣ୍ଣଚନ୍ଦ୍ର ପଧାନ, ଘନଶ୍ୟାମ ଖମାରୀ, ପ୍ରେମଚାନ୍ଦ ତାଣ୍ଡି, ପଙ୍କଜ ସାହୁ, ଫାଲ୍ଗୁନୀ ଦାସ, କୈଳାସ ଯାନୀ ବାବୁଲା ନାଏକ, ପର୍ଶୁରାମ ବାଗ, ମୀରାବାଇ ଗଡତ୍ୟା, ଶୈଳିକା ନାଏକ, ସରିତା ରଣା, ଯଶୋସ୍ମିତା ବେହେରା । ଶେଷରେ ଅଧ୍ୟାପକ ଘନଶ୍ୟାମ ଖମାରୀ ଧନ୍ୟବାଦ ଦେଇଥିଲେ ।