ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ମହାବିଦ୍ୟାଳୟ ଯୁକ୍ତ ୨ ଛାତ୍ରୀମାନଙ୍କ ଆତ୍ମ ସୁରକ୍ଷା ତାଲିମ ଶିବିର ଅଧ୍ୟକ୍ଷ ଗୋବିନ୍ଦ ଚନ୍ଦ୍ର ସାହୁଙ୍କ ଦ୍ଵାରା ଉଦ୍ଘାଟିତ ହୋଇଯାଇଛି । ୧୦ ଦିନ ଧରି ହେବାକୁ ଥିବା ଏହି ଶିବିରର ପ୍ରଥମ ଦିନରେ ସଂଯୋଜିକା ଗୀତାଞ୍ଜଳି ପଣ୍ଡା, ଅଧ୍ୟାପିକା ସୋନାଲି ଶବର, ବିନ୍ଧ୍ୟାରାଣୀ ଭୋଇ, ପ୍ରଜ୍ଞା ପରମିତା ବେହେରା, ମିନାକ୍ଷୀ ଭୋଇ, ସୌମ୍ୟାଶ୍ରୀ ଚୌଧୁରୀ, ସ୍ନିଗ୍ଧା ସଂଘମିତ୍ରା ସାହୁ ପ୍ରମୁଖ ଉପସ୍ଥିତ ଥିଲେ । ତାଲିମ ଶିବିରର ପ୍ରଶିକ୍ଷିକା ଜନନୀ ମହାଲିଙ୍ଗ ଓ କମଳିନୀ ମହାଲିଙ୍ଗ ପ୍ରାୟ ୧୨୦ ଜଣ ଛାତ୍ରୀଙ୍କୁ ତାଲିମ ପ୍ରଦାନ କରିଥିଲେ । ଅଧ୍ୟକ୍ଷ ଶ୍ରୀ ସାହୁ ଶିବିରର ଉଦ୍ଦେଶ୍ୟ କଥନ କରିଥିଲେ । ଆସନ୍ତା ୧୮ ତାରିଖରେ ଏହି ଶିବିର ଉଦ୍ଯାପିତ ହେବ ।