ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସ୍ଥିତ ଦହିଗାଁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ନାରାୟଣ ପାଣ୍ଡେଙ୍କ ଅଧ୍ୟକ୍ଷତାରେ ସନ୍ଧ୍ୟାକାଳୀନ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ସଭା ଆରମ୍ଭ ପୂର୍ବରୁ କ୍ଲଷ୍ଟର ସ୍ୱର୍ଗତ ବିଭୁତି ଶତପଥୀଙ୍କ ପାଇଁ ନୀରବ ପ୍ରାର୍ଥନା କରାଯିବା ପରେ ଦହିଗାଁ କ୍ଲଷ୍ଟର ସଂଯୋଜକ ସଞ୍ଜୟ ପଟେଲ ସ୍ୱାଗତ ଓ ସଂଯୋଜନା କରିଥିଲେ । ମଞ୍ଚ ପରିଚାଳନା କରିଥିଲେ ଜମରତଲା ଉନ୍ନୀତ ଉଚ୍ଚ ବିଦ୍ୟାଳୟ ବିଜ୍ଞାନ ଶିକ୍ଷକ ରୁପଧର ନାୟକ । ମୁଖ୍ୟ ଅତିଥି ଜଳଧର ବିଶ୍ୱାଳ, ଅନ୍ୟତମ ଅତିଥି ସୁରେଶ ସାହୁ, ତ୍ରିଲୋଚନ ବରିହା ଅବସରପ୍ରାପ୍ତ ଶିକ୍ଷକ ରାଜେନ୍ଦ୍ର ମହାନ୍ତିଙ୍କ ଜୀବନୀର ସ୍ମୃତି ଚାରଣ କରିଥିଲେ । ମାନପତ୍ର ପଠନ କରିଥିଲେ କୁମରମଣି ବୁଡ଼େକ । କ୍ଲଷ୍ଟରର ସମସ୍ତ ଶିକ୍ଷକ ଶିକ୍ଷୟିତ୍ରୀ ସକ୍ରିୟ ଅଂଶଗ୍ରହଣ କରିଥିଲେ । ବିଦାୟୀ ଶିକ୍ଷକ ଶ୍ରୀ ମହାନ୍ତି ଶିକ୍ଷକ ମାନଙ୍କୁ ପ୍ରତି ସ୍ନେହଭରା ଦିଗଦର୍ଶନ ଦେଇ ପିଲାଙ୍କୁ ସଠିକ ଢଙ୍ଗରେ ଗଢି ତୋଳିବା ପାଇଁ ପରାମର୍ଶ ଦେଇଥିଲେ । ଘନଶ୍ୟାମ ସାହୁ, ଅମୃତ ଲାଲ ସାହୁ, ମୁକୁନ୍ଦ ଭୋଇ ପ୍ରମୁଖ ପ୍ରତ୍ୟେକ କାର୍ଯ୍ୟକ୍ରମ ସଂଯୋଜନାର ପ୍ରମୁଖ ଦାୟିତ୍ୱ ତୁଲାଇଥିଲେ । ରଘୁନାଥ ପୁରୀ ଧନ୍ୟବାଦ ଅର୍ପଣ କରିଥିଲେ ।