ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ କୁଣ୍ଡାବୁଟୁଲା ଗ୍ରାମର ସରସ୍ୱତୀ ଶିଶୁ ମନ୍ଦିରଠାରେ ଆଜି ମାତୃ ସମ୍ମିଳନୀ ମହାସମାରୋହରେ ଅନୁଷ୍ଠିତ ହୋଇଯାଇଛି । ପ୍ରଥମେ ଭାରତ ମାତାଙ୍କ ଫଟୋ ଚିତ୍ରରେ ପୂଜାର୍ଚ୍ଚନା ପରେ ସ୍ଵାଗତମ୍ ଗୀତ ଛାତ୍ରୀମାନେ ପରିବେଷଣ କରିଥିଲେ । ଆୟୋଜିତ ମାତୃ ସମ୍ମିଳନୀରେ ପ୍ରଧାନ ଆଚାର୍ଯ୍ୟ ତ୍ରିଲୋଚନ ସାହୁଙ୍କ ସଭାପତିତ୍ୱରେ ମୁଖ୍ୟ ଅତିଥିଭାବେ ବଙ୍ଗୋମୁଣ୍ଡା ବ୍ଲକ ଅଞ୍ଚଳର ବିଶିଷ୍ଟ ସାହିତ୍ୟିକ ଡଃ. ନାରାୟଣ ମିଶ୍ର ଯୋଗଦାନ ଦେଇ ମା’ମାନଙ୍କର ଭୂମିକା ଅତି ଗୁରୁତ୍ୱ ପୂର୍ଣ୍ଣ ବୋଲି ମତ ପ୍ରକାଶ କରିଥିଲେ । ଗୁରୁଜୀ କ୍ଷୀରସିନ୍ଧୁ ତେଜି ମଞ୍ଚ ପରିଚାଳନା କରିଥିଲେ । ଅଭିଭାବିକା ମାନଙ୍କର ଗୀତ ପ୍ରତିଯୋଗିତା ଓ ହୁଳହୁଳି ପ୍ରତିଯୋଗିତା ମଧ୍ୟ ଅନୁଷ୍ଠିତ ହୋଇ କୃତି ମା’ମାନଙ୍କୁ ପୁରସ୍କୃତ କରାଯାଇଥିଲା । ଗୁରୁଜୀ ମୌନା ଛୁରା, ପାର୍ବତୀ ନାୟକ, ଲିଳି ତାଣ୍ଡି, ତପସ୍ୱିନୀ ବେହେରା ଓ ଅନୀତା ରଣା ଗଣ ସହଯୋଗ କରିଥିଲେ । ବହୁସଂଖ୍ୟାରେ ଅଭିଭାବିକାମାନେ ସାମିଲ ହୋଇଥିଲେ ।