ତୁରେକେଲା, (ପିତାମ୍ବର ଦୀପ) : ବଲାଙ୍ଗିର ଜିଲ୍ଲା ତୁରେକେଲା ଥାନା ଅନ୍ତର୍ଗତ ବଡ଼ଡକଲା ଗାଁର କୁଣ୍ଡାବରା କାର୍ଯ୍ୟକ୍ରମରେ ମରଣାନ୍ତକ ଆକ୍ରମଣ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି । ସୂଚନାଗତ ଯେ, ପାଇକମାଳ ଥାନା ଅନ୍ତର୍ଗତ ଡୁଡକିଝେର ଗାଁର ଭିମ ମାଝୀ ଏବଂ ତାଙ୍କ ଜଣେ ସମ୍ପର୍କୀୟ ବୁଧବାର ବଡ଼ଡକଲା ଗାଁର ଦଶର ମାଝୀଙ୍କ ଝିଅ କୁଣ୍ଡାବରା କାର୍ଯ୍ୟକ୍ରମକୁ ଆସିଥିଲେ । ସେହି ଗାଁର ନରେନ୍ଦ୍ର ମାଝୀ ପୂର୍ବ ଶତ୍ରୁତାକୁ ନେଇ ଭିମ ମାଝୀ ଏବଂ ତାଙ୍କ ସମ୍ପର୍କୀୟଙ୍କୁ ମରଣାନ୍ତକ ଆକ୍ରମଣ କରିଥିବା ତୁରେକେଲା ଥାନାରେ ପରିବାର ଲୋକେ ଅଭିଯୋଗ କରିଛନ୍ତି । ଉଭୟ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବା ବେଳେ ତୁରେକେଲା ଡାକ୍ତରଖାନରେ ସେମାନଙ୍କ ଚିକିତ୍ସା ଚାଲି ଥିବା ଜଣାପଡିଛି ।