ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଅଙ୍କୁର ଶିଶୁ ସାହିତ୍ୟ ସଂସଦର କବିତା ଓ ଗଳ୍ପ ପଠନ କାର୍ଯ୍ୟକ୍ରମ ବିଶ୍ୱାତ୍ମ ବିଦ୍ୟା ମନ୍ଦିର ଖୁଜେନପାଲି ଠାରେ ପ୍ରଧାନ ଆଚାର୍ଯ୍ୟ ତରୁଣ କୁମାର ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବିଶ୍ୱାତ୍ମ ଚେତନା ପରିଷଦର ସାଧାରଣ ସଂପାଦକ ସ୍ୱାମୀ ସତ୍ୟବେଦାନନ୍ଦ ସରସ୍ୱତୀ ମୁଖ୍ୟ ଅତିଥି, ଯୋଗାଚାର୍ଯ୍ୟ ନିର୍ମଳଜୀ ସମ୍ମାନିତ ଅତିଥି ଓ ଶିଶୁ ବିକାଶ କେନ୍ଦ୍ରର ସଭାପତି ମଦନ ମୋହନ ରଥ ମୁଖ୍ୟବକ୍ତା ଭାବେ ଯୋଗଦେଇ ଶିଶୁମାନେ ଭବିଷ୍ୟତରେ କିପରି ଗଳ୍ପ କବିତା ଲେଖିବା ଅଭ୍ୟାସ କରିବା ଓ ଭାଷା ସାହିତ୍ୟ ସଂସ୍କୃତିକୁ ବଂଚାଇ ରଖିବାକୁ ପରାମର୍ଶ ଦେଇଥିଲେ । କାର୍ଯ୍ୟକ୍ରମକୁ ପରିଚାଳନା କରିଥିଲେ କବି ସୁରଥ ସାହୁ ଏବଂ ସଂପାଦକ ଡାକ୍ତର ଅଶୋକ କୁମାର ସେଠୀ ଅନୁଷ୍ଠାନର ଲକ୍ଷ୍ୟ ଓ ଆଦର୍ଶ ଉପରେ ମତବ୍ୟକ୍ତ କରିଥିଲେ । ଏ ଅବସରରେ ବିଦ୍ୟାଳୟ ଛାତ୍ରଛାତ୍ରୀ ବିନ୍ଦ୍ୟା ବେହେରା, ପ୍ରିୟାଂସି କୁଦେଇ, ପ୍ରଜ୍ଞାନନ୍ଦ ଲେଙ୍କା, ୟଶରାଜ ବିନ୍ଦ, କିର୍ତ୍ତିମୟୀ ବେହେରା, ରାଜେଶ୍ୱରୀ ଦାଶ, ଖୁସିମୟୀ ସାହୁ, ମୁନା କର୍ଣ୍ଣ, ବିରାଜ ବେହେରା, ଅଙ୍କିତ ପଟ୍ଟନାୟକ ଓ ଅଙ୍କୁଶ ବାରିକ କବିତା ଓ ଗଳ୍ପ ପଠନ କରିଥିଲେ । ଏହି କାର୍ଯ୍ୟକ୍ରମକୁ ସିତାଂଶୁ ନାୟକ, ଦୁର୍ଗା ସାହୁ, ନେତ୍ରାନନ୍ଦ ପାଣିଗ୍ରାହୀ ଏବଂ ସମସ୍ତ ଗୁରୁଜୀ, ଗୁରୁମା ସହଯୋଗ କରିଥିଲେ । ଶେଷରେ ପୂଜ୍ୟପୂଜା ସେବା ସଂଗଠନର ସଭାପତି କେଶବ ଚନ୍ଦ୍ର ମିଶ୍ର ଧନ୍ୟବାଦ ଅର୍ପଣ କରିଥିଲେ ।