ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଟାଉନ୍ ଉଚ୍ଚ ବିଦ୍ୟାଳୟ ପରିସର ମଧ୍ୟରେ ରାଜ ବୋଡ଼ାସମ୍ବର ବ୍ଲକ ଓଷ୍ଟା ସଭାପତି ପ୍ରମୋଦ ନାଥଙ୍କ ସଭାପତିତ୍ୱରେ ଶିଶୁମେଳା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ସଭାରେ ସମ୍ପାଦକ ରବିନାରାୟଣ ପ୍ରଧାନ, ଜିଲ୍ଲା ଉପସଭାପତି ଚୂଳସୁନ୍ଦର ମେହେର, ପ୍ରସନ୍ନ ମେହେର, ଅଜିତ ପାତ୍ର, ମୋତିଲାଲ ସାହୁ, ଗୋବିନ୍ଦ ସାହୁ ଓ ଅନ୍ୟାନ୍ୟ ସ୍କୁଲରୁ ଆସିଥିବା ଶିକ୍ଷକ ଏବଂ ଶିକ୍ଷା କର୍ମଚାରୀ ଉପସ୍ଥିତ ଥିଲେ । ବ୍ଲକର ଶିଶୁମେଳା ଆସନ୍ତା ଡ଼ିସେମ୍ବର ୭ ତାରିଖ ଶନିବାର ଦିନ ଟାଉନ୍ ଉଚ୍ଚ ବିଦ୍ୟାଳୟରେ କରାଯିବା ପାଇଁ ସ୍ଥିର ହେଲା । ପରିଶେଷରେ ମାର୍ତଣ୍ଡ ଦେବ ସାହୁ ଧନ୍ୟବାଦ୍ ଅର୍ପଣ କରିଥିଲେ । ସମସ୍ତ କାର୍ଯ୍ୟରେ ଉଜଲ ସାହୁ ସହଯୋଗ କରିଥିଲେ ।