ପ୍ରମୁଖ ମାଇଲଖୁଣ୍ଟ ହାସଲ କଲା ପୂର୍ବତଟ ରେଳପଥ : ଭୁବନେଶ୍ୱରର ଭିଏସ୍ଏସ୍ ନଗର ଠାରେ ତିନି ଘଣ୍ଟା ମଧ୍ୟରେ ରୋଡ ଓଭର ବ୍ରିଜ୍ ଉପରେ ଗାର୍ଡ଼ର ସ୍ଥାପନ
ଭୁବନେଶ୍ୱର, (ପିଆଇବି) : ଏକ ଉଲ୍ଲେଖନୀୟ ଇଞ୍ଜିନିୟରିଂ କାର୍ଯ୍ୟରେ, ପୂର୍ବତଟ ରେଳପଥ ମାତ୍ର ତିନି ଘଣ୍ଟା ମଧ୍ୟରେ ପ୍ରତ୍ୟକ ୩୬ ମିଟର ଲମ୍ବ ପାଞ୍ଚଗୋଟି ଷ୍ଟିଲ୍ ଗାର୍ଡ଼ର (ଯାହାର ଓଜନ ପ୍ରତ୍ୟକ ୩୫ ଟନ୍) କୁ ସଫଳତାର ସହ ସ୍ଥାପନ କରାଯାଇଅଛି । ଭୁବନେଶ୍ୱର ଏବଂ ମଞ୍ଚେଶ୍ୱର ରେଳ ଷ୍ଟେସନ ମଧ୍ୟରେ ଅବସ୍ଥିତ ଭିଏସ୍ଏସ୍ ନଗର ଠାରେ ଏକ ରୋଡ ଓଭର ବ୍ରିଜ (ଆର୍ଓବି) ପ୍ରକଳ୍ପର ଅଂଶ ଭାବରେ ଏହି ଗାର୍ଡରଗୁଡ଼ିକ ସ୍ଥାପନ କରାଯାଇଅଛି । ଏହି ଜଟିଳ କାର୍ଯ୍ୟ ଖୋର୍ଦ୍ଧା ରୋଡ୍ ରେଳ ମଣ୍ଡଳ ସହଯୋଗରେ ୩ ଘଣ୍ଟିଆ ଟ୍ରାଫିକ୍ ଏବଂ ଓଭରହେଡ୍ ଇକୁଇପମେଣ୍ଟ (ଓଏଚ୍ଇ) ବ୍ଲକ ନିଆଯାଇ ରେଳପଥର ନିର୍ମାଣ ବିଭାଗ ଦ୍ୱାରା ସମ୍ପନ୍ନ କରାଯାଇଅଛି । ବ୍ୟସ୍ତବହୁଳ ରେଳ ଲାଇନରେ, ବିଶେଷକରି ଭାରତର ବ୍ୟସ୍ତବହୁଳ ରେଳ ସେକ୍ସନ ମଧ୍ୟରୁ ହାଓଡ଼ା-ଚେନ୍ନାଇ ମେନ୍ ଲାଇନରେ ଏହିପରି ଏକ ଚ୍ୟାଲେଞ୍ଜିଂ ଅପରେସନ୍ କରିବା; ଯତ୍ନଶୀଳ ଯୋଜନା ଏବଂ ସମନ୍ୱୟ ଆବଶ୍ୟକ କରେ । ମୁଖ୍ୟ ପ୍ରୋଜେକ୍ଟ ମ୍ୟାନେଜର (ସିପିଏମ୍) ଏବଂ ଭୁବନେଶ୍ୱରରେ ଥିବା ତାଙ୍କ ଦଳ ଏକାଧିକ ଲଜିଷ୍ଟିକ୍ ଚ୍ୟାଲେଞ୍ଜ ସତ୍ୱେ କାର୍ଯ୍ୟ ନିର୍ବାହରେ ଏକ ମାନଦଣ୍ଡ ସ୍ଥିର କରି କାର୍ଯ୍ୟ ସମାପ୍ତ କରିବାରେ ସଫଳ ହୋଇଛନ୍ତି । ପ୍ରତ୍ୟକ ୩୬ ମିଟର ଦୈର୍ଘ୍ୟ ଓ ୩୫ ଟନ ଓଜନର ଏହି ଗାର୍ଡରଗୁଡିକର ସଫଳ ସ୍ଥାପନ କରିବା ବ୍ୟସ୍ତବହୁଳ ରେଳମାର୍ଗରେ ଛୋଟ କଥା ନୁହେଁ । ଏହା ଆର୍ଓବି ନିର୍ମାଣରେ ଏକ ମହତ୍ଵପୂର୍ଣ୍ଣ ମାଇଲଖୁଣ୍ଟ ଚିହ୍ନିତ କରୁଛି ଯାହା ଗତ ଗଣନା ସମୟରେ ଏହି ଲେଭଲ କ୍ରସିଂ ଠାରେ ରେକର୍ଡ ହୋଇଥିବା ୨ ଲକ୍ଷ ଟ୍ରେନ୍ ଭେଇକିଲ୍ ୟୁନିଟ୍ (ଟିଭିୟୁ) ଅଟେ । ଭୁବନେଶ୍ୱର ଏବଂ ମଞ୍ଚେଶ୍ୱର ଷ୍ଟେସନ ମଧ୍ୟରେ ଏହି ସ୍ପେଶାଲ୍ ଲେଭଲ୍ କ୍ରସିଂକୁ ବଦଳାଇବା ପାଇଁ ଭିଏସଏସ ନଗରରେ ଆର୍ଓବି ନିର୍ମାଣ କରାଯାଉଛି, ଯାହା ଦୀର୍ଘ ଦିନ ଧରି ଉଭୟ ସଡକ ଏବଂ ରେଳ ଟ୍ରାଫିକ୍ ପାଇଁ ଏକ ପ୍ରତିବନ୍ଧକ ହୋଇଆସୁଛି । ଏହି ପ୍ରକଳ୍ପ ସମାପ୍ତ ହେବା ପରେ ଏହା ମଞ୍ଚେଶ୍ୱର ଇଣ୍ଡଷ୍ଟ୍ରିଆଲ୍ ଇଷ୍ଟେଟ୍, ଚକେଇସିଆଣୀ, ଭିଏସ୍ଏସ୍ ନଗର, ସୈନିକ ସ୍କୁଲ୍, ଗାଡ଼କଣ ଏବଂ ଭୁବନେଶ୍ୱରର ଚନ୍ଦ୍ରଶେଖରପୁର ପରି ଅଞ୍ଚଳରେ ଟ୍ରାଫିକ୍ ପ୍ରବାହକୁ ବହୁତ ଉନ୍ନତ କରିବ । ପୂର୍ବତଟ ରେଳପଥ ସଫଳତାର ସହିତ ରେଲୱେ ଅଂଶରେ ପାୟର ଉପରେ ଗାର୍ଡର୍ ସ୍ଥାପନ କରିସାରିଥିବାବେଳେ ରେଳ ଅଂଶରେ ଅବଶିଷ୍ଟ ନିର୍ମାଣ କାର୍ଯ୍ୟ ଯଥା ଡେକ୍ ସ୍ଲାବ୍ ସ୍ଥାପନ, କ୍ରାସ୍ ପ୍ରତିବନ୍ଧକ ଏବଂ ଆକ୍ସନ୍ ଜଙ୍କସନ୍ ସହିତ ଅନ୍ୟାନ କାର୍ଯ୍ୟ ଗୁଡିକ ଡିସେମ୍ବର ୨୦୨୪ ସୁଦ୍ଧା ଶେଷ ହେବ ବୋଲି ଆଶା କରାଯାଉଛି । ଏହି ଆର୍ଓବିର ସମାପ୍ତି ଏହି ଅଞ୍ଚଳ ପାଇଁ ଏକ ମହତ୍ଵପୂର୍ଣ୍ଣ କାର୍ଯ୍ୟ ହେବ ଯାହାକି ଯାତ୍ରୀମାନଙ୍କୁ ବହୁ ଆବଶ୍ୟକୀୟ ରିଲିଫ୍ ଯୋଗାଇବ ଏବଂ ବହୁ ପୂର୍ବରୁ ସୁରକ୍ଷା ଚିନ୍ତା କରିଆସୁଥିବା ବ୍ୟସ୍ତ ବହୁଳ ଲେଭଲ କ୍ରସିଂକୁ ଦୂର କରିବ । ଏଥିସହ, ଏହି ସଡକ ଏବଂ ରେଳ ସୁରକ୍ଷାକୁ ବୃଦ୍ଧି କରାଇବା ପାଇଁ ଭାରତୀୟ ରେଳ ମିଶନ ସହିତ ସମାନ୍ତରାଳ ଭାବରେ ଏହି ପ୍ରକଳ୍ପ ରେଳ ଓ ସଡକ ଯାନ ଚଳାଚଳ କାର୍ଯ୍ୟକୁ ସହଜ କରିବ । ଲେଭଲ୍ କ୍ରସିଂ ନମ୍ବର ଏମ୍ଏଲ୍ ୧୮୬ ସ୍ଥାନରେ ଏହି ରୋଡ଼ ଓଭର ବ୍ରିଜ ପ୍ରକଳ୍ପ ନିର୍ମାଣ କରାଯାଉଛି । ରେଳ ଅଂଶରେ ଏହି କାର୍ଯ୍ୟ ସମ୍ପାଦନ କରିବାକୁ ପ୍ରାୟ ₹୪୮.୨ କୋଟି ନିବେଶ କରାଯାଇଅଛି । ଏହି ମେଗା ପ୍ରକଳ୍ପର ଅଗ୍ରଗତି ପାଇଁ ବୈଦ୍ୟୁତିକ ଟ୍ରାନ୍ସଫର୍ମର ଏବଂ ଅଣ୍ଡରଗ୍ରାଉଣ୍ଡ କେବୁଲ ସ୍ଥାନାନ୍ତର ସହିତ ଅନେକ ଜଟିଳ କାର୍ଯ୍ୟ ପୂର୍ବରୁ ସମାପ୍ତ ହୋଇଥିଲା । କାର୍ଯ୍ୟକ୍ଷମ ହେବା ପରେ ଏହି ରୋଡ଼ ଓଭର ବ୍ରିଜ କେବଳ ସଡକ ସୁରକ୍ଷାକୁ ଉନ୍ନତ କରିବ ନାହିଁ ବରଂ ଦ୍ରୁତ, ନିରାପଦ ଏବଂ ନିର୍ଭରଯୋଗ୍ୟ ଯାତ୍ରା ସୁନିଶ୍ଚିତ କରିବା ପାଇଁ ରେଳବାଇର ପ୍ରତିବଦ୍ଧତା ଅନୁଯାୟୀ ଭାରତୀୟ ରେଳ ନେଟୱର୍କର ଏକ ବ୍ୟସ୍ତବହୁଳ ରେଳ ସେକ୍ସନରେ ଟ୍ରେନ୍ ଚଳାଚଳର କାର୍ଯ୍ୟକ୍ଷମତାକୁ ମଧ୍ୟ ବୃଦ୍ଧି କରାଇବ ।