ୱାଶିଂଟନ୍ : ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଟ୍ୱିଟର ଆକାଉଣ୍ଟକୁ ସବୁଦିନ ପାଇଁ ସ୍ଥଗିତ ରଖାଯାଇଛି । ହିଂସାକୁ ପ୍ରୋତ୍ସାହିତ କରିବା ଉଦେ୍ଦ୍ଦଶ୍ୟରେ ଏହା କରାଯାଇଛି ବୋଲି ଟ୍ୱିଟର କହିଛି । ଟ୍ୱିଟର ଏହାର ବିବୃତ୍ତିରେ କହିଛି ଯେ, ରାଷ୍ଟ୍ରପତି ଟ୍ରମ୍ପଙ୍କ ନିକଟରେ ହୋଇଥିବା ଟ୍ୱିଟକୁ ବିସ୍ତୃତ ଭାବରେ ସମୀକ୍ଷା କରାଯାଇଛି । ଟ୍ୱିଟର ଅନୁଯାୟୀ, ଅ ରିଅଲଡୋନାଲ୍ଡ ଟ୍ରମ୍ପଙ୍କ ଟ୍ୱିଟକୁ ମଧ୍ୟ ଦର୍ଶାଯାଇଥିଲା ଏବଂ ଏହା ପରେ ଏହି ଆକାଉଣ୍ଟକୁ ସବୁଦିନ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନିଆଯାଇଥିଲା । ଏହା ପୂର୍ବରୁ ଟ୍ରମ୍ପଙ୍କ ଆକାଉଣ୍ଟ ଟ୍ୱିଟରରେ ୧୨ ଘଣ୍ଟା ପାଇଁ ତାଲା ପଡିଥିଲା । ଏହା ପରେ ଟ୍ୱିଟର କହିଛି ଯେ, ଯଦି ଏହି ପ୍ଲାଟଫର୍ମର ନିୟମ ଭଙ୍ଗ ହୁଏ, ତେବେ ଟ୍ରମ୍ପଙ୍କୁ ସବୁଦିନ ପାଇଁ ବାରଣ କରାଯିବ ।
ବୁଧବାର ଟ୍ରମ୍ପ ଏପରି ଅନେକ ଟ୍ୱିଟ୍ କରିଛନ୍ତି, ଯେଉଁଥିରେ ତାଙ୍କର ହିଂସାତ୍ମକ ସମର୍ଥକଙ୍କୁ ଦେଶପ୍ରେମୀ କୁହାଯାଉଥିଲା । ବୁଧବାର ଦିନ ଟ୍ରମ୍ପଙ୍କ ହିଂସାତ୍ମକ ସମର୍ଥକମାନେ ଆମେରିକା କଂଗ୍ରେସର କ୍ୟାପିଟାଲ ବିଲଡିଂରେ ପ୍ରବେଶ କରିଥିଲେ । ସେତେବେଳେ ଆମେରିକାର କଂଗ୍ରେସରେ ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କ ବିଜୟର ଆନୁଷ୍ଠାନିକ ନିଶ୍ଚିତକରଣ ଚାଲିଥିଲା । ଟ୍ରମ୍ପ ସମର୍ଥକମାନେ ଆମେରିକା କଂଗ୍ରେସ ଉପରେ ଆକ୍ରମଣ କରିବା ପୂର୍ବରୁ ରାଷ୍ଟ୍ରପତି ସେମାନଙ୍କୁ ସମ୍ବୋଧିତ କରି କହିଥିଲେ ଯେ, ଆମେ ହାର ମାନିବୁ ନାହିଁ । ଆମେ ଏହାକୁ କଦାପି ଗ୍ରହଣ କରିବୁ ନାହିଁ ।