ବଲାଙ୍ଗିର, (କେପିଏନ୍ଏସ୍) : ଆମ ସମାଜରେ ବିଶ୍ୱାସ ରହିଛି, କିନ୍ନରମାନଙ୍କ ଆଶୀର୍ବାଦ ଖୁବ୍ ମୂଲ୍ୟବାନ୍ । କିନ୍ନରମାନଙ୍କ ଆଶୀର୍ବାଦ ହେଉ କି ଅଭିଶାପ, କେବେ ବି ଫେଲ୍ ହୁଏନାହିଁ । ଆଜି ପୂର୍ବାହ୍ନରେ ବଲାଙ୍ଗିର ଶୈଳଶ୍ରୀ ପେଲେସକୁ ଆସି ବଲାଙ୍ଗିରର କିନ୍ନର ସମୂହ ବିଜେଡ଼ି ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂହଦେଓଙ୍କୁ ସାକ୍ଷାତ କରିଛନ୍ତି ଏବଂ ନିର୍ବାଚନରେ ବିଜୟୀ ହେବା ପାଇଁ ଆଶୀର୍ବାଦ ପ୍ରଦାନ କରିଛନ୍ତି । ଏହି ଅବସରରେ କିନ୍ନରମାନେ ସେମାନଙ୍କ ବିଭିନ୍ନ ସମସ୍ୟା ଉପରେ କଳିକେଶଙ୍କୁ ଅବଗତ କରାଇଥିବା ବେଳେ ଏଥିପାଇଁ ଏକ ସ୍ପେସିଆଲ୍ ଡ୍ରାଇଭ୍ କରାଯାଇ ସମସ୍ତ ସମସ୍ୟାର ସମାଧାନ କରିବା ବୋଲି କିନ୍ନରମାନଙ୍କୁ କଳିକେଶ ପ୍ରତିଶ୍ରୁତି ଦେଇଛନ୍ତି ।