ବଲାଙ୍ଗିର, (ଦେବାଶିଷ ମିଶ୍ର) : ଆଜି ନବବର୍ଷର ପ୍ରଥମ ଦିନ ଏକ ବନ୍ଧୁତ୍ୱପୂର୍ଣ ଫୁଟବଲ ମ୍ୟାଚ୍ ମାଧ୍ୟମରେ ବଲାଙ୍ଗିର ବାସୀଙ୍କୁ ସ୍ୱାସ୍ଥ୍ୟ ଓ ଶାନ୍ତିର ବାର୍ତା ଦେଇଛନ୍ତି ମାଲଗୋଦାମ ପଡା ବାସୀ । ସକାଳୁ ପ୍ରଥମେ ବାବା ସାହେବଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ପରେ ମାଲଗୋଦାମ ପଡିଆରେ ଭୀମ ରାଓ ଫୁଟବଲ କ୍ଲବର ସିନିୟର ଓ ଜୁନିୟର ଦଳ ମଧ୍ୟରେ ଏକ ବନ୍ଧୁତ୍ୱପୂର୍ଣ ଫୁଟବଲ ମ୍ୟାଚର ଆୟୋଜନ କରାଯାଇଥିଲା । ସିନିୟର ଦଳ ତରଫରୁ ଘନ, ବାବଲୁ, ହରିଶ, ଦିଗାମ୍ବର, ଦେବାଶିଷ, ଶିବ, ଅମିତ, ସୁରଜ, ଗୋବିନ୍ଦ,ଆକାଶ ଓ ଗଣେଶ ଖେଳିଥିଲେ । ସେହିପରି ଜୁନିୟର ଦଳ ତରଫରୁ ରଞ୍ଜିତ, ଟୁକୁ ଚାନ୍ଦ, ଦିଲୁ, ଗୁଡୁ, ରନିଷ, ଧିରଜ, କାହ୍ନା, ଆଦିତ୍ୟ, ଗୋବିନ୍ଦ, ବିକାଶ ଓ ନକୁଳ ଖେଳିଥିଲେ । ମ୍ୟାଚରେ କଡା ଟକ୍କର ପରେ ସିନିୟର ଦଳ ୩-୨ରେ ମ୍ୟାଚରେ ବିଜୟୀ ହୋଇଥିଲେ । ଏହି ମ୍ୟାଚକୁ ଲିପନ, ମେକ୍ସ ଓ ନୃତମ ପରିଚାଳନା କରିଥିଲେ ।